Categories
Breaking news

حکومت کا شہباز شریف کیخلاف عدالت سے رجوع کرنے کا فیصلہ

حکومت کا شہباز شریف کیخلاف عدالت سے رجوع کرنے کا فیصلہ

سابق وزیر اعظم اور پاکستان مسلم لیگ (ن) کے قائد نواز شریف کے لندن سے وطن واپس نہ آنے کے معاملے میں حکومت نے ان کے بھائی اور پارٹی کے صدر شہباز شریف کے خلاف عدالت سے رجوع کرنے کا فیصلہ کرلیا۔

ذرائع کا کہنا تھا کہ حکومت کی جانب سے شہباز شریف کے خلاف لاہور ہائی کورٹ سے رجوع کیا جائے گا۔

ذرائع نے بتایا کہ اس معاملے میں حکومت کا موقف ہے کہ شہباز شریف نے نواز شریف کی وطن واپسی کی ضمانت دی تھی۔

ذرائع نے یہ بھی بتایا کہ نواز شریف کے واپس نہ آنے پر شہباز شریف کے خلاف کارروائی کی درخواست کی جائے گی۔

شفقت محمود کا نواز شریف کی واپسی اور آصف زرداری کی تحریک پر تبصرہ

وفاقی وزیر تعلیم شفقت محمود نے کہا ہے کہ سابق صدر آصف زرداری کو جیل میں ہونا چاہئے وہ کیا حکومت کے خلاف تحریک چلائیں گے۔

اس سے قبل کابینہ اجلاس کے بعد میڈیا بریفنگ میں وفاقی وزیر اطلاعات فواد چوہدری کا کہنا تھا کہ نواز شریف نے خود واپس نہیں آنا، انہیں ہم واپس لائیں گے۔

وفاقی وزیر نے کہا کہ برطانیہ کے ساتھ اس حوالے سے کافی حد تک معاملات طے ہوچکے ہیں۔

قومی خبریں سے مزید

Original Article

Leave a Reply

Your email address will not be published.