Categories
Breaking news

حکومت کا بیرون ملک جانے والوں کو فائزر ویکسین نہ لگانے کا فیصلہ

حکومت کا بیرون ملک جانے والوں کو فائزر ویکسین نہ لگانے کا فیصلہ

حکومت نے فائزر ویکسین کے استعمال سے متعلق حکومتی حکمت عملی تبدیل کر لی۔ذرائع کے مطابق حکومت نے اسٹڈی اور ورک ویزہ پر بیرون ملک جانے والوں کو فائزر ویکسین نہ لگانے کا فیصلہ کیا ہے۔ فائزر ویکسین حجاج اور دائمی امراض کا شکار افراد کو لگائی جائے گی۔

ذرائع وزارت صحت کے مطابق فائزر ویکسین کے استعمال کا آغاز رواں ہفتے سے ہو گا اور فائزر ویکسین کی کم مقدار کے باعث حکمت عملی تبدیل کی گئی ہے۔

فائزر کی دوسری کھیپ ملنے پر بیرون ملک جانے والوں کو لگائی جائے گی اور فائزر ویکسین 15 شہروں کے مخصوص ویکسینیشن سینٹرز پر دستیاب ہو گی۔

ذرائع کے مطابق فائزر ویکسین کے استعمال سے متعلق ویکسینیٹرز کی خصوصی تربیت مکمل کر لی گئی ہے۔ پاکستان کو کوویکس سے فائزر ویکسین کی ایک لاکھ 620 ڈوز ملی ہیں۔

بیرون ملک جانے والوں کے لیے آسٹرازنیکا ویکسین دستیاب ہے اور آسٹرازنیکا ویکسین سعودی عرب، متحدہ عرب امارات (یو اے ای) سمیت یورپ میں تسلیم شدہ ہے۔

Leave a Reply

Your email address will not be published. Required fields are marked *