Categories
Breaking news

حکومتی وفد کی ایم کیو ایم قیادت سے ملاقات، تحریک عدم اعتماد پر گفتگو

اپوزیشن کی جانب سے وزیر اعظم کے خلاف لائی جانے والی تحریک عدم اعتماد کو ناکام بنانے کے لئے وفاقی وزراء کا اتحادیوں سے رابطوں کا سلسلہ جاری ہے، حکومتی وفد نے ایم کیو ایم کی قیادت سے ملاقات کی ہے۔

وزیر خارجہ شاہ محمود قریشی کی قیادت میں حکومتی وفد نے ایم کیو ایم کی قیادت سے ملاقات کی، جو پرویز خٹک، اسد عمر، علی زیدی اور گورنر سندھ عمران اسماعیل پر مشتمل تھا۔

ایم کیوایم کے سربراہ خالد مقبول صدیقی، وفاقی وزیر قانون فروغ نسیم ملاقات میں شریک ہیں جبکہ وفاقی وزیر برائے انفارمیشن ٹیکنالوجی امین الحق،خواجہ اظہارالحسن بھی ملاقات میں شریک تھے۔

ق لیگ سے ملاقات کے بعد وفاقی وزراء کا وفد بی اے پی سے ملنے پہنچ گیا

بی اے پی کے سردار اسرار ترین، میراحسان اللّٰہ ریکی،اورروبینہ عرفان بھی موجود تھے ، ملاقات میں تحریک عدم اعتماد، ملکی سیاسی صورتحال پر تبادلہ خیال کیا گیا۔

ایم کیوایم کے رہنما عامر خان، وسیم اختر،جاوید حنیف اور صادق افتخار بھی شامل تھے۔

دونوں جماعتوں کے رہنماؤں کے درمیان ہونے والی ملاقات میں تحریک عدم اعتماد اور ملک کی سیاسی صورتحال پرتفصیلی تبادلہ خیال کیا گیا۔

شاہ محمود قریشی کا کہنا ہے کہ ایم کیو ایم کی قیادت کے ساتھ ملاقات انتہائی حوصلہ افزا رہی، موجودہ حالات متقاضی ہیں کہ جمہوری تقاضوں کی تکمیل کے لیے ملاقاتوں کا تسلسل برقرار رہے۔

قومی خبریں سے مزید

Original Article

Leave a Reply

Your email address will not be published.