حکمرانوں کی سیاسی ڈرامہ بازی سے لوگ اکتا گئے، سراج الحق

امیر جماعت اسلامی پاکستان سراج الحق نے کہا ہے کہ حکمرانوں کی سیاسی ڈرامہ بازی سے لوگ اکتا گئے ہیں۔

لاہور سے جاری بیان میں سراج الحق نے کہا کہ تخریبی سیاست نے ملک کا ہر شعبہ تباہ کردیا، معیشت کی تباہی اور مسائل کا ذمہ دار برسراقتدار طبقہ ہے۔

انہوں نے کہا کہ پی ڈی ایم، پی پی اور پی ٹی آئی اسٹیبلشمنٹ کی طرف دیکھ رہی ہیں، تینوں سیاسی قوتوں کے نظریات ایک جیسے مگر مفادات میں ٹکراؤ ہے۔

امیر جماعت اسلامی نے مزید کہا کہ مرکزی و صوبائی حکومتیں خرابی کا ملبہ ایک دوسرے پر ڈال رہی ہیں، حکمرانوں کی سیاسی ڈرامہ بازی سے لوگ اکتا گئے ہیں۔

ان کا کہنا تھا کہ ظالم جاگیرداروں اور کرپٹ سرمایہ داروں نے معیشت اور معاشرت تباہ کردی ہے۔

قومی خبریں سے مزید

ن لیگ، پیپلز پارٹی ارکان نے وزیراعلیٰ پنجاب کیخلاف تحریک عدم اعتماد جمع کروادی