مسلم لیگ (ن) کے سینئر رہنما احسن اقبال نے کہا ہے کہ حکمرانوں نے ملکی معیشت کو تباہ کردیا، پاکستان کے عوام عمران خان سے حساب لیں گے۔

اسلام آباد میں الیکشن کمیشن کے سامنے اپوزیشن اتحاد (پی ڈی ایم) کی احتجاجی ریلی سے احسن اقبال، نیر بخاری اور محمود خان اچکزئی نے بھی خطاب کیا۔

احسن اقبال نے کہا کہ وقت آگیا اس نالائق، نااہل، مسلط کردہ لیڈر کو گھر بھیجا جائے، یہ شخص کہتا تھا کہ رسیدیں دو، اپنی باری آئی تو منہ چھپاتا پھر رہا ہے۔

یہ بھی پڑھیے

انہوں نے مزید کہا کہ عمران خان کا دعویٰ تھا کہ اگر گو عمران گو چند لوگ بھی کہیں گے تو میں چلا جاؤں گا، اب تک پورا پاکستان اس کےجانے کا خواہشمند ہے۔

پی پی رہنما نیر بخاری نے کہا کہ پی ڈی ایم جمہوریت، آئین، قانون پسند لوگ ہیں اور آئیں و قانون کی عملداری کی بات کرتے ہیں۔

ان کا کہنا تھا کہ فارن فنڈنگ کے الزام پر ہی عوامی نیشنل پارٹی پر پابندی لگا کر ان قائدین کو صوبوں تک محدود کردیا تھا۔

محمود خان اچکزئی نے کہا کہ ہم کسی کے غلام نہیں ہیں، صرف ملک کو بچانا چاہتے ہیں، اگر فارن فنڈنگ کیس کا فیصلہ 7 سال پہلے ہوجاتا تو آج ہم یہاں احتجاج نہ کررہے ہوتے۔

قومی خبریں سے مزید