Categories
Breaking news

حمزہ کے حلف کے بعد کسی اور کا خود کو وزیرِ اعلیٰ کہنا غیر آئینی ہو گا: سلمان اکرم راجہ

حمزہ کے حلف کے بعد کسی اور کا خود کو وزیرِ اعلیٰ کہنا غیر آئینی ہو گا: سلمان اکرم راجہ

ماہر قانون سلمان اکرم راجہ کا کہنا ہے کہ عثمان بزدار استعفیٰ دینے کے بعد بطور عبوری وزیرِ اعلیٰ کام کر رہے ہیں، حلف اٹھاتے ہی حمزہ شہباز وزیرِ اعلیٰ بن جائیں گے۔

ماہر قانون سلمان اکرم راجہ نے پنجاب میں وزارتِ اعلیٰ سے متعلق قانونی رائے دیتے ہوئے کہا ہے کہ حمزہ کے حلف اٹھانے کے بعد کسی اور کا خود کو وزیرِ اعلیٰ کہنا غیر آئینی ہو گا۔

انہوں نے کہا کہ گورنر کے پاس اختیار نہیں تھا کہ وہ کہیں کہ الیکشن نہیں ہوا، گورنر عدالت نہیں کہ الیکشن کا معاملہ دیکھیں اور تصحیح کریں۔

گورنر پنجاب نے عثمان بزدار کا استعفیٰ آئینی اعتراض لگا کر مسترد کر دیا

گورنر پنجاب عمر سرفراز چیمہ نے عثمان بزدار کا استعفیٰ مسترد کر کے اسپیکر پنجاب اسمبلی کو خط لکھ دیا۔

سلمان اکرم راجہ نے کہا کہ گورنر کے پاس اب کوئی استعفیٰ نہیں تھا جسے وہ مسترد کرتے، بزدار نے کابینہ اجلاس اس لیے بلایا کہ خود کو منتخب وزیرِ اعلیٰ ظاہر کریں۔

انہوں نے کہا کہ عثمان بزدار آئینی بحران پیدا کر رہے ہیں، آئینی بحران پیدا ہوا تو معاملہ عدالت میں جائے گا، عید کی تعطیلات میں بھی عدالت لگ سکتی ہے اور معاملے کی سنوائی ہو سکتی ہے۔

ماہرِ قانون نے کہا کہ استعفیٰ منظور ہونے اور نئے وزیرِ اعلیٰ کے الیکشن کے بعد معاملہ آگے بڑھ چکا ہے، استعفے میں کوئی سقم تھا تو گورنر نے تصدیق کرا کر اسے ختم کر دیا۔

سلمان اکرم راجہ نے یہ بھی کہا کہ گورنر نے وزیرِ اعلیٰ کا استعفیٰ منظور کرکے اپنا فرض ادا کیا، گورنر کا فرض اتنا ہی تھا کہ وزیرِ اعلیٰ کا استعفیٰ قبل کرتے۔

قومی خبریں سے مزید

Original Article

Leave a Reply

Your email address will not be published.