Categories
Breaking news

حمزہ شہباز کو گرفتاری سے قبل آگاہ کرنے کا عدالتی حکم کالعدم قرار

فائل فوٹو
فائل فوٹو

سپریم کورٹ نے سابق وزیر اعلیٰ پنجاب حمزہ شہباز کو گرفتاری سے قبل آگاہ کرنے کا لاہور ہائی کورٹ کا حکم کالعدم قرار دے دیا۔

نیب نے حمزہ شہباز سے متعلق لاہور ہائی کورٹ کا حکم سپریم کورٹ میں چیلنج کیا تھا، جسٹس اعجازالاحسن کی سربراہی میں 3 رکنی بینچ نے سماعت کی۔

سپریم کورٹ نے لاہور ہائی کورٹ کا حکم غیر مؤثر ہونے کی بنیاد پر کیس نمٹا دیا۔

سپریم کورٹ آف پاکستان نے ریمارکس دیتے ہوئے کہا کہ گرفتاری سے قبل ملزم کو آگاہ کرنے کی قانون میں کوئی شرط نہیں۔

عدالت کا کہنا ہے کہ گرفتاری سے قبل آگاہ کرنے کا لاہور ہائی کورٹ کا حکم خلاف قانون ہے۔

صاف پانی کیس میں شہباز شریف کی بیٹی اور داماد کے وارنٹ گرفتاری جاری

لاہور احتساب عدالت کے جج امجد نذیرچوہدری نے صاف…

سپریم کورٹ کا یہ بھی کہنا ہے کہ حمزہ شہباز کو گرفتاری سے 10 دن قبل بتانے کا حکم بطور عدالتی نظیر استعمال نہ کیا جائے۔

واضح رہے کہ لاہور ہائی کورٹ نے حمزہ شہباز کو گرفتاری سے قبل آگاہ کرنے کا حکم دیا تھا، حکم صاف پانی، رمضان شوگر ملز اور آمدن سے زائد اثاثہ جات کیس کے سلسلے میں دیا گیا تھا۔

قومی خبریں سے مزید

Original Article

Leave a Reply

Your email address will not be published. Required fields are marked *