جے یو آئی اور پی پی میں اختلافات کی خبر درست نہیں، ناصر محمود سومرو

جمعیت علماء اسلام (ف) لاڑکانہ کے سربراہ علامہ ناصر محمود سومرو نے اپوزیشن اتحاد کی دو بڑی جماعتوں میں اختلافات کی خبروں کی تردید کردی۔

اپنے وضاحتی بیان میں علامہ ناصر محمود سومرو نے کہا کہ جے یو آئی اور پی پی میں اختلافات کی خبر درست نہیں، اس طرح کی خبریں پھیلا کر پی ڈی ایم اتحاد کمزور نہیں کیا جاسکتا۔

Table of Contents

x
Advertisement

انہوں نے کہا کہ چند روز قبل جے یو آئی لاڑکانہ اور ڈپٹی کمشنر کے درمیان ہمارے پینا فلیکس اور پرچم اتروانے کے معاملے پر تنازع ہوا تھا۔

جے یو آئی ف لاڑکانہ کے سربراہ نے کہا کہ ہم نے اس معاملے پر ڈی سی کی معطلی کا مطالبہ کیا تھا اور لاڑکانہ میں مظاہرے کی کال بھی دی تھی ۔

ان کا کہنا تھا کہ ہم نے اس دوران کسی افسر کی تقرری کی سفارش نہیں کی ، احتجاج کی کال پر ڈی سی نے اپنے والد کے ساتھ جے یو آئی آفس آکر معذرت کی۔

ناصر محمود سومرو نے مزید کہا کہ ڈی سی کی معذرت کے بعد جے یو آئی لاڑکانہ نے معاملہ کو ختم کردیا، جس کے بعد چند چینلز متنازع نوعیت کی خبریں چلارہے ہیں تاکہ پی ڈی ایم اتحاد کو کمزور کیا جاسکے۔

انہوں نے کہا کہ بینظیر بھٹو شہد کی برسی میں جے یو آئی کا اعلیٰ وفد شریک ہو رہا ہے، ہم کسی بھی معالے پر دھرنا دے رہے ہیں اور نہ ہی احتجاج کر رہے ہیں۔

قومی خبریں سے مزید