Categories
Breaking news

جی ہاں، آپ کو بلاول ہاؤس نے اقتدار سے نکالا، فیصل کنڈی کا عمران خان کو جواب

جی ہاں، آپ کو بلاول ہاؤس نے اقتدار سے نکالا، فیصل کنڈی کا عمران خان کو جواب

پیپلز پارٹی کے ترجمان فیصل کریم کنڈی نے سابق وزیراعظم عمران خان کو جواب دیتے ہوئے کہا کہ جی ہاں آپ کو بلاول ہاؤس نے اقتدار سے نکالا ہے۔

اسلام آباد سے جاری بیان میں فیصل کریم کنڈی نے عمران خان کی پریس کانفرنس پر ردعمل دیا اور کہا کہ نیازی صاحب آپ کے کرپشن بیانیے کے بعد مراسلہ ڈرامہ بھی پٹ چکا ہے۔

انہوں نے کہا کہ عمران خان کا ساڑھے 3 سال کا اقتدار عوام پر عذاب کی طرح گزرا، اس دوران ملک کی معیشت دم توڑ چکی تھی اور کاروبار تباہ ہو چکا تھا۔

فیصل کریم کنڈی نے عمران خان کو جواب دیتے ہوئے کہا کہ جی ہاں تمہیں بلاول ہاؤس نے اقتدار سے نکالا، پیپلز پارٹی کی قیادت اور کارکنوں نے آمروں کو شکست دی، نیازی تو کٹھ پتلی تھا۔

اُن کا کہنا تھا کہ عمران خان نے پارلیمان کو ربر اسٹیمپ اور جمہوریت کو یرغمال بنا کر رکھا تھا، سابق وزیراعظم نے ملک کے خارجہ امور بھی گروی رکھ دیے تھے۔

پی پی ترجمان نے مزید کہا کہ عمران خان کی مکاری، جھوٹ بار بار کے دھوکے پر انہیں اتحادیوں نے چھوڑا۔

قومی خبریں سے مزید

Original Article

Leave a Reply

Your email address will not be published.