جہانگیر ترین کی لندن میں اسحاق ڈار سے ملاقات

تحریک انصاف ترین گروپ کے سربراہ جہانگیر ترین اور ن لیگ کے سینئر رہنما و سابق وفاقی وزیر خزانہ اسحاق ڈار کی لندن کے ریسٹورنٹ میں ملاقات ہوئی ہے۔

ذرائع کے مطابق جہانگیر ترین اور اسحاق ڈار کی ملاقات پارک لین پر واقع ایک ریسٹورنٹ میں ہوئی، ملاقات 2 گھنٹے سے زائد جاری رہی۔

ملاقات میں اسحاق ڈار، جہانگیر ترین اور اُن کے صاحبزادے علی ترین موجود تھے، دونوں رہنماؤں میں سیاسی امور پر تفصیلی بات چیت ہوئی۔

ذرائع کا دعویٰ ہے کہ دونوں رہنماؤں نے ملاقات میں مستقبل میں مل کر کام کرنے کے آپشنز پر غور کیا اور اس حوالے سے آمادگی ظاہر کی۔

دو روز قبل اسحاق ڈار اور جہانگیر ترین کے درمیان ٹیلیفونک گفتگو ہوئی تھی، جس میں ملک میں جاری سیاسی صورتحال سمیت دیگر معاملات پر تبادلہ خیال کیا گیا۔

قومی خبریں سے مزید

مونس الہٰی نے ترین گروپ کو پرویز الہٰی کا اہم پیغام پہنچادیا