لاہور کی بینکنگ کورٹ نے شوگر ملز میں جعلی بینک اکاؤنٹس کے معاملے پر جہانگیر ترین اور ان کے بیٹے علی ترین کی عبوری ضمانت میں توسیع کر دی۔

جہانگیر ترین اور علی ترین لاہور کی بینکنگ کورٹ میں پیش ہوئے، عدالت نے دونوں کی عبوری ضمانت میں 10 اپریل تک کی توسیع کی۔

جہانگیر ترین کے وکیل کا میڈیا سے گفتگو کرتے ہوئے کہنا تھا کہ بینکنگ کورٹ کے جج کی عدم دستیابی کی وجہ سے سماعت 10اپریل تک ملتوی ہو گئی ہے۔

انہوں نے یہ بھی کہا کہ جہانگیر ترین کے خلاف 3 کیسز بنائے گئے ہیں جو بے بنیاد ہیں۔

واضح رہے کہ جہانگیر ترین کے خلاف منی لانڈرنگ کے الزام کے تحت مقدمہ درج ہے۔

یہ بھی پڑھیے

وفاقی تحقیقاتی ادارے (ایف آئی اے) نے جہانگیر ترین اور علی ترین کے خلاف کیس درج کر رکھا ہے۔

جہانگیر ترین اور علی ترین پر غیر قانونی طریقے سے رقوم کی منتقلی کا الزام ہے۔

قومی خبریں سے مزید

جہانگیر ترین PTI رہنماؤں کے ہمراہ عدالت پہنچے

ایک پارٹی نے PDM کا فورم استعمال کر کے شوکاز بھیجا، شازیہ مری