Categories
Breaking news

جڑواں شہروں میں سیاحت کے فروغ کے لیے ڈبل ڈیکر بس، باقاعدہ افتتاح کب ہوگا؟ تفصیلات جانئے

Advertisement
Advertisement

سیاحت کے فروغ کے لیے ڈبل ڈیکر بس کے آزمائشی سفر کا آغاز ہو گیا ہےجڑواں شہروں میں سیاحت کے فروغ کے لیے ڈبل ڈیکر بس کے آزمائشی سفر کا آغاز ہو گیا۔

اسلام آباد اور راولپنڈی میں سیاحوں کی سہولت کے لیے ڈبل ڈیکر بس کا باقاعدہ افتتاح محرم کے بعد کر دیا جائے گا تاہم فی الحال بس کا آزمائشی سفر کیا گیا۔

اس موقع پر وزیر اعلیٰ پنجاب عثمان بزدار کے معاون خصوصی برائے پارٹی کلچر و سیاحت آصف محمود سمیت ڈی سی اسلام آباد حمزہ شفقات اور ڈی سی راولپنڈی انوار الحق بھی موجود تھے۔

بس کا آزمائشی سفر راولپنڈی کے علامہ اقبال پارک سے شروع ہوا جو فیض آباد سے ہوتا ہوا فیصل مسجد، بلیو ایریا، شاہراہ دستور، روز جاسمین گارڈن اور لوک ورثہ سے واپس علامہ اقبال پارک پر اختتام پزیر ہوا۔

دوران سفر جڑواں شہروں کے انتظامی افسران نے بس کے لیے روٹ کا جائزہ لیا اور سفر سے بھی لطف اندوز ہوئے۔

پی ایچ اے اور پی ٹی ڈی سی کے تعاون سے جلد ہی جڑواں شہروں کے باسیوں کے لیے ڈبل ڈیکر بس کا باقاعدہ آغاز محرم کے بعد کیا جائے گا۔

مشیر وزیر اعلیٰ پنجاب و چیئرمین پی ایچ اے راولپنڈی آصف محمود کا کہنا تھا کہ محرم کے بعد ڈبل ڈیکر بس کا باقاعدہ افتتاح کر دیا جائے گا، بس کا فی کس کرایہ 400 روپے ہوگا۔

بس کے لیے ٹرمینل راولپنڈی میں جلد قائم ہوجائے گا جبکہ بس کا سفر 30 کلومیٹر پر محیط ہو گا جس کے ٹکٹ کا اجراء آن لائن کیا جائے گا۔

Advertisement

Leave a Reply

Your email address will not be published. Required fields are marked *