Categories
Breaking news

جو این آر او نہ دینے کا کہہ رہے تھے وہ نواز شریف سے این آر او مانگ رہے ہیں، مریم نواز

جو این آر او نہ دینے کا کہہ رہے تھے وہ نواز شریف سے این آر او مانگ رہے ہیں ، مریم نواز

پاکستان مسلم لیگ ن کی نائب صدر مریم نواز کا کہنا ہے کہ وہ کہتے تھے کہ این آر او نہیں دینگے، اب پچھلےدو دن سے نواز شریف سے این آر او مانگ رہے ہیں۔

Advertisement

شنگھائی برج پر لیگی ریلی کے شرکاء سے خطاب کرتے ہوئے مریم نواز نے کہا کہ حکومت کو گھر بھیجنے کا وقت آگیا ہے، مہنگائی کو گھر بھیجنے کا وقت آگیا ہے۔

مریم نواز نے کہا کہ عمران خان ہاتھ جوڑ کر نواز شریف سے این آر او مانگ رہے ہیں۔ لیکن نواز شریف تمھیں این آر او نہیں دے گا۔

مریم نواز نے کہا کہ لاہور فیصلہ کرے گا کہ جعلی اسمبلیوں سے استعفے دے کر ان کے منہ پر ماریں گے۔

یہ بھی پڑھیے

مریم نواز نے پی ڈی ایم کے لاہور جلسے کی عوامی رابطہ مہم ریلی کے موقع پر میڈیا سے بات کرتے ہوئے کہا کہ مسلم لیگ نون نے باضابطہ اپنی جماعت کو استعفوں کے لئے نہیں کہا، لیکن ہمارے پاس استعفوں کے انبار لگ گئے ہیں۔

مریم نواز کا مزید کہنا تھا کہ نواز شریف نے کہہ دیا تھا ان کا مقابلہ بچوں اور سیاسی بونوں سے نہیں، یہ حکومت جلد ہی انجام کو پہنچے گی۔

انہوں نے کہا کہ 13 دسمبر کا جلسہ اس حکومت کے لیے آخری دھکا ثابت ہوگا۔

Table of Contents

x
Advertisement

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *