Categories
Breaking news

جولائی کے پہلے ہفتے میں موڈرنا ویکسین کی بڑی کھیپ پاکستان پہنچے گی

جولائی کے پہلے ہفتے میں موڈرنا ویکسین کی بڑی کھیپ پاکستان پہنچے گی

پارلیمانی سیکریٹری صحت ڈاکٹر نوشین حامد کا کہنا ہے کہ جولائی کے پہلے ہفتے میں موڈرنا ویکسین کی ایک بڑی کھیپ پاکستان آرہی ہے۔

انہوں نے جیو نیوز کے پروگرام ’جیو پاکستان‘ میں گفتگو کرتے ہوئے کہا کہ طلباء اور دیگر اوورسیز پاکستانیوں کو موڈرنا ویکسین لگنا شروع ہوجائے گی، فائزر، موڈرنا کی ڈیمانڈ بہت زیادہ ہے، کئی ممالک نے اس کی بکنگ کرائی ہوئی ہے۔

کورونا ویکسین کے سائیڈ ایفیکٹس کیا ہیں؟

وزارتِ صحت نے کورونا ویکسین لگوانے والے افراد میں سامنے آنے والے منفی اثرات کی رپورٹ جاری کردی۔

ڈاکٹر نوشین نے کہا کہ سعودی ورک پرمٹ رکھنے والوں کو ویکسین لگ رہی ہے، ہمیں کوویکس کے پلیٹ فارم سے ویکسین مل رہی ہے۔

انہوں نے بتایا کہ فائزر اور موڈرنا ویکسین کوویکس کے پلیٹ فارم سے مل رہی ہے، فائزر ویکسین کیلئے معاہدہ ہوچکا ہے، ایک کروڑ سے زائد ویکسین آجائے گی۔

فائزر کن لوگوں کو نہیں لگائی جاسکے گی؟

نیشنل کمانڈ اینڈ آپریشنز سینٹر (این سی او سی )کی جانب سے فائزر ویکسین کی گائیڈ لائنز جاری کردی گئی ہیں جس کے مطابق کورونا مریضوں اور بخار میں مبتلا افراد کو بھی فائزر نہیں لگائی جاسکے گی۔

ڈاکٹر نوشین نے خدشہ ظاہر کیا کہ کورونا ویرینٹ آتے رہیں گے، کورونا کے خاتمہ میں کچھ وقت لگے گا، 70 فیصد آبادی کی ویکسین ہوجائے گی تو کورونا کا پھیلاؤ کم ہوجائے گا۔

قومی خبریں سے مزید

Original Article

Leave a Reply

Your email address will not be published. Required fields are marked *