Categories
Breaking news

جمیل احمد کی بطور ڈی جی نیب لاہور تعیناتی چیلنج

قومی احتساب بیورو (نیب) لاہور کے ڈائریکٹر جنرل جمیل احمد کی تعیناتی کو اسلام آباد ہائی کورٹ میں چیلنج کر دیا گیا ہے۔

درخواست میں کہا گیا ہے کہ تعیناتی قواعد کے مطابق نہیں، اس تعیناتی سے نیب کے دیگر ملازمین کی ترقی بھی متاثر ہوگی۔

اسلام آباد ہائی کورٹ کے جسٹس بابر ستار ڈی جی نیب لاہور جمیل احمد کی تعیناتی کے خلاف درخواست کی سماعت کریں گے۔

محمد اقبال ایڈوکیٹ نے بیرسٹر ظفر اللّٰہ کے ذریعے اسلام آباد ہائی کورٹ میں درخواست جمع کروائی ہے جس میں چیئرمین نیب، وزیراعظم کے پرنسپل سیکرٹری اور ڈی جی نیب کو فریق بنایا گیا ہے۔

نئے چیئرمین نیب کیلئے اپوزیشن و حکومت نے نام تجویز کردیے

اپوزیشن کی اسٹیئرنگ کمیٹی چاروں ناموں میں سے ایک نام تجویزکرکے اپوزیشن لیڈر شہبازشریف کو بھیجے گی اوروہ یہ نام حکومت کو بھجوادیں گے۔

درخواست میں موقف اختیار کیا گیا ہے کہ رولز میں نرمی کرکے کی گئی ڈی جی نیب کی ایک سال کے لیے کنٹریکٹ پر تعیناتی سپریم کورٹ کے فیصلے کی خلاف ورزی ہے۔

درخواست میں ڈی جی نیب لاہور کی تعیناتی کا 30 نومبر کا نوٹیفکیشن کالعدم قرار دینے کی استدعا کرتے ہوئے حکم امتناع کی متفرق درخواست بھی جمع کروائی گئی ہے جس میں کہا گیا ہے کہ درخواست پر فیصلہ ہونے تک ڈی جی نیب لاہور کو عہدے پر کام سے روکا جائے۔

قومی خبریں سے مزید

Original Article

Leave a Reply

Your email address will not be published. Required fields are marked *