Categories
Breaking news

جماعت اسلامی MQM جیسے بینرز لگا رہی ہے، سعید غنی

سعید غنی کا کہنا ہے کہ فی الحال مظاہرین پر طاقت کے استعمال کا کوئی ارادہ نہیں ہے
سعید غنی کا کہنا ہے کہ فی الحال مظاہرین پر طاقت کے استعمال کا کوئی ارادہ نہیں ہے

سندھ کے وزیرِ اطلاعات سعید غنی کا کہنا ہے کہ فی الحال مظاہرین پر طاقت کے استعمال کا کوئی ارادہ نہیں ہے، جماعت اسلامی ایم کیوایم کی خلا پُر کرنےکی کوشش کررہی ہے، یہ وہی بینرز لگا رہی ہے جو ایم کیو ایم لگایا کرتی تھی۔

صوبائی وزیر سعید غنی نے اپنے ایک بیان میں کہا کہ اپنا موقف پیش کرنےکی صحیح جگہ اسمبلی ہے، یہ تاثر کہ ہم نے بلدیاتی نمائندوں کے اختیارات میں کمی کردی ہے غلط ہے، بہتری کی گنجائش ہرقانون میں ہوتی ہے۔

کراچی کی خیرخواہ MQM نہیں، سعید غنی

پیپلز پارٹی کے صوبائی وزیر سعید غنی کا کہنا ہے کہ ایم کیو ایم کراچی کی خیرخواہ نہیں ہے، یہ شہر کو پھر ہائی جیک کرنا چاہتے ہیں، ہم اس شہر کو آگ و خون کی ہولی میں جھونکنے نہیں دیں گے۔

سعید غنی کاکہنا تھا کہ سیاسی فوائد کیلئے ہر جماعت کو ئی نہ کوئی اقدام کرتی ہیں، جماعت اسلامی جس طرح کےاقدامات کررہی ہے امید نہیں تھی، یہ ایم کیوایم کی طرح کے بینرز لگا رہی ہے۔

صوبائی وزیر کا کہنا تھا کہ پیپلز پارٹی نے کبھی بھی سیاسی بات چیت کے عمل سے گریز نہیں کیا، ناصر حسین شاہ کے کچھ جماعتوں سے رابطے بھی ہوئے ہیں۔

جماعتِ اسلامی کا دھرنا، ساتواں دن، اسکول کے اساتذہ و طلبہ کی شرکت

کراچی میں سندھ اسمبلی کے باہر جماعتِ اسلامی کا جاری دھرنا ساتویں روز میں داخل ہو گیا ہے، آج صبح دھرنے میں عثمان پبلک اسکول کے اساتذہ اور طلبہ نے بڑی تعداد میں شرکت کی۔

واضح رہے کہ سندھ اسمبلی کے باہر جماعت اسلامی کا دھرناساتویں روز بھی جاری ہے اور بلدیاتی قانون کے خلاف مختلف اسکولوں کے طلبا نے بھی دھرنے میں شرکت کی ہے۔

قومی خبریں سے مزید

Original Article

Leave a Reply

Your email address will not be published.