Categories
Breaking news

جماعت اسلامی لاہور کی مہنگائی کیخلاف کفن بردار ریلی

جماعت اسلامی لاہور نے مہنگائی کے خلاف کفن بردار ریلی نکالی، شرکاء نے حکومت کے خلاف شدید نعرے بازی کی۔

ناصر باغ لاہور سے مہنگائی کے خلاف نکالی گئی ریلی میں شریک کفن بردار کارکنان شدید سردی میں سڑک پر لیٹ گئے اور علامتی طور پر مہنگائی کا جنازہ بھی نکالا۔

جماعت اسلامی کےمقامی رہنما خلیق بٹ اور جبران بٹ کی قیادت میں نکالی گئی احتجاجی ریلی میں خواتین کارکنوں نے بچوں سمیت بڑی تعداد میں شرکت کی۔

شرکاء نے مہنگائی کے خلاف بینرز اور پلے کارڈز اٹھا رکھے تھے اور حکومت کے خلاف شدید نعرے بازی کر رہے تھے۔

مظاہرین نے مہنگائی کنٹرول کرنے اور گیس کی لوڈشیڈنگ ختم کرنے کا مطالبہ کیا۔

ناصر باغ سے شروع ہونے والی ریلی نیلا گنبد اور وہاں سے چکر لگا کر واپس ناصر باغ پہنچ کر اختتام پذیر ہوئی۔

قومی خبریں سے مزید

Original Article

Leave a Reply

Your email address will not be published. Required fields are marked *