Categories
Breaking news

جماعتِ اسلامی کا دھرنا، ساتواں دن، اسکول کے اساتذہ و طلبہ کی شرکت

جماعتِ اسلامی کے سندھ اسمبلی پر دھرنے میں اسکول کے اساتذہ و طلبہ نے شرکت کی — بشکریہ فیس بک
جماعتِ اسلامی کے سندھ اسمبلی پر دھرنے میں اسکول کے اساتذہ و طلبہ نے شرکت کی — بشکریہ فیس بک

کراچی میں سندھ اسمبلی کے باہر جماعتِ اسلامی کا جاری دھرنا ساتویں روز میں داخل ہو گیا ہے، آج صبح دھرنے میں عثمان پبلک اسکول کے اساتذہ اور طلبہ نے بڑی تعداد میں شرکت کی۔

اس موقع پر اساتذہ کرام اور طلبہ کی جانب سے سندھ میں نئے بلدیاتی قانون کے خلاف تقاریر کی گئیں جبکہ کئی طلبہ نے ترانے بھی سنائے۔

سندھ میں نئے بلدیاتی قانون کے خلاف جماعت اسلامی کی جانب سے یہ دھرنا دیا جا رہا ہے۔

کراچی: جماعتِ اسلامی کا دھرنا، کل سے خواتین بھی شرکت کریں گی

بلدیاتی قوانین کے خلاف کراچی میں سندھ اسمبلی کے سامنے جماعتِ اسلامی کا دھرنا تیسرے روز بھی جاری ہے، دھرنے کے شرکاء نے سخت سردی میں رات سڑک پر گزاری، پیر سے دھرنے میں خواتین کی شرکت کا اعلان بھی کیا گیا ہے۔

موسم کی سختیاں برداشت کرتے ہوئے سندھ اسمبلی کے باہر دھرنے میں بیٹھے جماعتِ اسلامی کراچی کے کارکنان نے گزشتہ 6 روز سے دھرنا دیا ہوا ہے۔

امیرِ جماعت اسلامی سندھ محمد حسین محنتی نے جمعہ 7 جنوری سے صوبے کے تمام شہروں میں احتجاج کا اعلان کیا ہے۔

دھرنے کے دوران گزشتہ روز باکسنگ ٹیموں میں مقابلے بھی کرائے گئے، رات گئے دھرنے کے شرکاء نے کرکٹ اور بیڈمنٹن بھی کھیلا۔

دھرنے کے شرکاء کے لیے رات بھر انڈے، سوپ اور چائے سے تواضع کی گئی۔

قومی خبریں سے مزید

Original Article

Leave a Reply

Your email address will not be published.