لاہور ہائی کورٹ کے چیف جسٹس امیر بھٹی کا کہنا ہے کہ جب حکومت نے جے آئی ٹی بنانے کا بیان دیا تب آپ نے سپریم کورٹ میں اعتراض کیوں نہیں کیا۔
سانحہ ماڈل ٹاؤن کی دوسری جے آئی ٹی کے خلاف درخواستوں پر سماعت ہوئی، لاہور ہائی کورٹ کے چیف جسٹس امیر بھٹی کی سربراہی میں7 رکنی بینچ سماعت کی۔
درخواست پولیس اہلکار خرم رفیق اور دیگر کی جانب سے دائر کی گئی، خرم رفیق کی جانب سے ایڈووکیٹ فرہاد شاہ عدالت میں پیش ہوئے۔
درخواست گزار کے وکیل نے دلائل دیتے ہوئے کہا کہ ماڈل ٹاؤن کے واقعے کی 2 ایف آئی آر درج ہوئی ہیں، اس واقعے پر ایک جے آئی ٹی تشکیل دی گئی، اس جے آئی ٹی نے چالان عدالت میں جمع کرایا۔
لاہور ہائیکورٹ، سانحہ ماڈل ٹاؤن JIT، ازسر نو سماعت کا فیصلہ
لاہور لاہور ہائیکورٹ نے سانحہ ماڈل ٹاؤن جے آئی…
جسٹس ملک شہزاد نے ریمارکس دیتے ہوئے کہا کہ آپ اس معاملے کی دونوں ایف آئی آرز پڑھ دیں۔
درخواست گزار کے وکیل نے کہا کہ ایف آئی آرز کے علاوہ استغاثہ بھی دائر ہوا۔
لاہور ہائی کورٹ کے چیف جسٹس محمد امیر بھٹی نے ریمارکس دیتے ہوئے کہا کہ سپریم کورٹ میں سماعت ہوئی، حکومت نے جے آئی ٹی بنانے کا بیان دیا جس پر سپریم کورٹ نے معاملہ نمٹا دیا، آپ نے اسی جے آئی ٹی کو لاہور ہائی کورٹ میں چیلنج کر دیا۔
درخواست گزار کے وکیل نے کہا کہ عدالت نے یہ دیکھنا ہے کہ کیا دوسری جے آئی ٹی بن سکتی تھی، دوسری جے آئی ٹی اس طرح نہیں بن سکتی، سپریم کورٹ کے حکم سے یہ تاثر نہیں لیا جاسکتا کہ یہ جےآئی ٹی عدالتی حکم پر بنی۔
وکیل نے کہا کہ جب استغاثہ آگیا، فرد جرم لگ گئی تو ایک اور جے آئی ٹی نہیں بن سکتی، سپریم کورٹ کے روبرو درخواست میں جے آئی ٹی بنانےکی استدعا ہی نہیں تھی۔
سانحہ ماڈل ٹاؤن کے ملزمان وزیر بنے بیٹھے ہیں، طاہر القادری
اسپیکر پنجاب اسمبلی پرویز الہٰی کو طاہر القادری نے ٹیلی فون کیا، دوران گفتگو انہوں نے کہا کہ ایک منٹ ضائع کیے بغیر سانحہ ماڈل ٹاؤن کے ملزمان کو سزا دی جائے۔
چیف جسٹس لاہور ہائی کورٹ نے کہا کہ درخواست کی استدعا اہم نہیں، سماعت کی اہمیت ہے۔
درخواست گزار کے وکیل دلائل دیتے ہوئے کہا کہ اس کیس کی سماعت کو دیکھنا بھی اہم ہے، اس سماعت میں متاثرہ پولیس اہلکاروں کا مؤقف ہی نہیں سنا گیا، نہ ہی سپریم کورٹ کے حکم پر یہ جے آئی ٹی بنائی گئی۔
لاہور ہائی کورٹ کے چیف جسٹس نے کہا کہ جب حکومت نے جے آئی ٹی بنانے کا بیان دیا تب آپ نے سپریم کورٹ میں اعتراض کیوں نہیں کیا۔
وکیل فرہادشاہ نے کہاکہ میری اطلاعات کے مطابق اعتراض ہوا تھا، جب کیس میں فرد جرم لگ جائے تو نئی تفتیش نہیں بن سکتی۔
جسٹس ملک شہزاد نے ریمارکس دیتے ہوئے کہا کہ کیا سپریم کورٹ کے حکم کو ہائی کورٹ میں چیلنج کیا جاسکتا ہے جو میرٹ کی بجائے کسی فریق کے بیان پر جاری ہو۔
انسداد دہشتگردی عدالت، سانحہ ماڈل ٹاؤن کیس کے مدعی کا بیان ریکارڈ
لاہور انسداد دہشت گردی کی خصوصی عدالت نے سانحہ…
درخواست گزار کے وکیل نے کہا کہ سپریم کورٹ کا حکم اس تناظر میں نہیں تھا، پنجاب حکومت کے پاس بار بار جے آئی ٹی بنانے کا اختیار نہیں تھا، یہ اختیار وفاقی حکومت کو ہے، تفتیش کی تبدیلی انسداد دہشت گردی ایکٹ میں نہیں بلکہ پولیس آرڈر میں ہے۔
وکیل نے دلائل جاری رکھتے ہوئے کہا کہ دوسری ایف آئی آر پر بھی جے آئی ٹی بن گئی تھی، منہاج القرآن نے استغاثہ میں سارے ثبوت عدالت میں جمع کرا دیے۔
چیف جسٹس لاہور ہائی کورٹ نے ریمارکس دیتے ہوئے کہا کہ سپریم کورٹ کو علم تھا کہ جے آئی ٹی بن سکتی ہے یا نہیں، سپریم کورٹ نے پھر بھی دوسری جے آئی ٹی بنانے کےحکومتی بیان پر آرڈر کیا۔
لاہور ہائی کورٹ کے چیف جسٹس نے سوال کیا کہ کیا سپریم کورٹ کے حکم کے بعد اس پر لاہور ہائی کورٹ سماعت کر سکتی ہے۔
وکیل فرہاد شاہ نے کہا کہ مجھے وقت دے دیں، میں تیاری کے بعد اس نکتے پر معاونت کردوں گا۔
لاہور ہائی کورٹ نے کیس کی سماعت یکم دسمبر تک ملتوی کر دی۔
قومی خبریں سے مزید
-
اعظم سواتی کا مزید 4 روز کا جسمانی ریمانڈ منظور
اسلام آباد کی عدالت نے پاکستان تحریکِ انصاف (پی ٹی آئی) کے رہنما اور سینیٹر اعظم سواتی کا مزید 4 روز کا جسمانی ریمانڈ منظور کر لیا۔
-
فوج کی کمان قابل سپوت کے حوالے کر رہا ہوں، جنرل ریٹائرڈ قمر جاوید باجوہ
جنرل قمر جاوید باجوہ نے کہا ہے کہ جنرل سید عاصم منیر کی پروموشن پاکستان کے مفاد میں رہے گی۔
-
پی ٹی آئی کا پنجاب اسمبلی توڑنے کا معاملہ، ن لیگ اور پیپلز پارٹی آج غور کریں گی
پاکستان تحریک انصاف (پی ٹی آئی) کے پنجاب اسمبلی توڑنے کے معاملے پر آج ن لیگ اور پیپلز پارٹی غور کریں گی۔
-
کراچی: تھانہ ٹیپو سلطان کا بینکوں سے رَقُوم نکالتے شہریوں کو تحفظ فراہم کرنے کا منفرد اقدام
کراچی میں بینکوں سے بھاری رقم لے کر نکلنے والے شہریوں کو لوٹنے کی وارداتیں معمول بنتی جا رہی ہیں۔ ایسے میں کراچی ایسٹ کے تھانے ٹیپو سلطان کی پولیس نے شہریوں کو وارداتوں سے بچانے کیلئے منفرد اقدام کیا ہے جس سے شہریوں اور ان کی رقوم کو تحفظ ملنے کے امکانات ہیں۔
-
عمران خان آج بھی سیاسی ملاقاتیں کریں گے
پاکستان تحریک انصاف کے چیئرمین و سابق وزیراعظم عمران خان آج بھی لاہور میں سیاسی ملاقاتیں کریں گے۔
-
اعظم سواتی کیخلاف مقدمات، عدالت کا ڈپٹی اٹارنی جنرل کو سیکریٹری داخلہ سے ہدایات لینے کا حکم
اسلام آباد ہائی کورٹ نے اعظم سواتی کے خلاف درج مقدمات پر ڈپٹی اٹارنی جنرل کو سیکریٹری داخلہ سے ہدایات لینے کا حکم دے دیا۔
-
کراچی: پروفیسر پر تشدد کرنے والے طلبہ پر مقدمہ درج
وفاقی اردو یونیورسٹی گلشن اقبال کیمپس میں پروفیسر پر تشدد کرنے والے طلبہ کے خلاف مقدمہ درج کر لیا گیا۔
-
جنرل عاصم منیر پاک فوج کے 17 ویں آرمی چیف بن گئے
جنرل قمر جاوید باجوہ نے کمان کی چھڑی جنرل عاصم منیر کو سونپ دی
-
کرکٹ اور فلمیں قوموں کو جوڑ کر رکھتی ہیں، مریم اورنگزیب
وفاقی وزیر اطلاعات مریم اورنگزیب نے کہا ہے کہ ملک میں کبھی کبھی نفرت دکھائی دیتی ہے لیکن کرکٹ ماحول تبدیل کردیتا ہے۔
-
پاک فوج میں کمانڈ کی تبدیلی، صدر تا فیض آباد میٹرو بس سروس بند رہے گی
پاک فوج میں کمانڈ کی تبدیلی کی تقریب کے پیش نظر صدر تا فیض آباد اسٹیشن میٹرو بس سروس آج بند رہے گی۔
-
آلودہ ترین شہروں میں لاہور پہلے نمبر پر
ایئرکوالٹی انڈیکس کے مطابق دنیا کے آلودہ شہروں میں کراچی کا چوتھا نمبر ہے۔
-
پنجاب اسمبلی بچانے کیلئے ن لیگ کا پی پی سے رابطہ
پنجاب اسمبلی بچانے کےلیے ن لیگ کا اتحادی جماعت پیپلز پارٹی سے رابطہ، حسن مرتضی کی قیادت میں پیپلز پارٹی کا وفد آج ماڈل ٹاؤن پہنچے گا۔
-
اعجاز الحق کا ملک میں فوری انتخابات کرانے کا مطالبہ
واضح رہے کہ گزشتہ دنوں وزیراعظم شہباز شریف نے واضح الفاظ میں کہا تھا کہ عام انتخابات آئندہ سال اگست کے بعد ہوں گے
-
وزیر اطلاعات سندھ شرجیل میمن کا تحریک انصاف کو چیلنج
شفقت محمود نے سوشل میڈيا پر تحریک انصاف کے جلسے کی تصویر شیئر کرتےہوئے اسے بڑا مجمع قرار دیا تھا۔
-
الیکشن ہونے پر مخلوط حکومت آئی تو کیا ہوگا؟ کائرہ
جیو نیوز کے پروگرام آج شاہ زیب خانزادہ کے ساتھ میں گفتگو کرتے ہوئے ان کا کہنا تھا کہ عمران خان کہہ رہے ہیں کہ ملک میں عدم استحکام ہے اور دوسری طرف عدم استحکام مزید بڑھا رہے ہیں۔
-
پنجاب اسمبلی سیشن کے دوران بھی عدم اعتماد کا نوٹس ہوسکتا ہے، پلڈاٹ
جیو نیوز کے پروگرام آج شاہ زیب خانزادہ کے ساتھ میں بات کرتے ہوئے انہوں نے کہا کہ اسمبلی تحلیل ہوجاتی ہے اور 90 دنوں میں انتخابات نہیں ہوتے تو عجیب سی صورتحال ہوگی اور یہ معاملہ عدالتوں میں جاسکتا ہے۔