Categories
Breaking news

جاپان نے شہریوں کو کورونا ویکسین لگانے کی ترجیحات کا منصوبہ تیار کر لیا

جاپان

جاپان کی وزارت صحت نے شہریوں کو کورونا ویکسین لگانے کی ترجیحات کا منصوبہ تیار کر لیا۔

جاپان کی وزارت صحت نے ترجیحات کی ایک فہرست تیار کی ہے جس کے تحت فروری 2021 کے اواخر میں سب سے پہلے طبی عملے کو کرونا ویکسین لگائی جائے گی۔

وزارت صحت کی ترجیحات کے مطابق مارچ کے آخر میں عمر رسیدہ افراد کو اور پھر صحت کے مسائل سے دوچار دیگر افراد کو کرونا ویکسین لگائی جائے گی۔

ماہرین کے ایک پینل نے یہ منصوبہ منظور کر لیا، جس کے تحت اسپتالوں میں داخل افراد یا دل، سانس، گردوں اور ذیابیطس کی دائمی بیماری کے باعث باقاعدگی سے اسپتال جانے والے افراد کو کرونا ویکسین کے سلسلے میں ترجیح دی جائے گی۔

صحت کے دائمی مسائل میں قوت مدافعت میں کم زوری کے باعث دماغی امراض، کروموسومز میں گڑبڑ، شدید جسمانی یا دماغی عوارض اور نیند کے دوران سانس رکنے کے امراض بھی شامل ہوں گے۔

فی الوقت حاملہ خواتین کو ترجیحی فہرست میں جگہ نہیں دی گئی ہے، جس کی وجہ یہ ہے کہ ان کے لیے ویکسین کے محفوظ اور مؤثر ہونے کے بارے میں ڈیٹا دستیاب نہیں۔

ایک اندازے کے مطابق صحت کے مختلف مسائل سے دوچار تقریباً 82 لاکھ افراد اس ترجیحی منصوبے کے تحت ویکسین لیں گے۔

Advertisement

Leave a Reply

Your email address will not be published. Required fields are marked *