جامعہ کراچی کی خودکش بمبار سرکاری ٹیچر تھی

جامعہ کراچی میں خودکش حملہ کرنے والی خاتون بلوچستان میں سرکاری سائنس ٹیچر تھی جس کی تعلیم بلوچستان میں ہی مکمل ہوئی۔

کمیونٹی ذرائع کے مطابق 30 سالہ شاری بلوچ عرف برمش بلوچستان کے شہر تربت میں نظر آباد کی رہائشی تھی، جس کا شوہر ہیبتان بشیر ڈاکٹر ہے۔

کمیونٹی ذرائع کے مطابق شاری بلوچ 2 بچوں کی ماں تھی، جن میں ایک بیٹا اور ایک بیٹی شامل ہے، دونوں بچوں کے نام 8 سالہ ماہ روش اور 4 سالہ میر حسن بتائے گئے ہیں۔

کمیونٹی ذرائع کے مطابق 30 سالہ خودکش حملہ آور شاری بلوچ نے 2014ء میں علامہ اقبال اوپن یونیورسٹی سے ایم ایڈ کیا تھا جس کے بعد 2015ء میں بلوچستان یونیورسٹی کوئٹہ سے زولوجی میں ماسٹرز کی ڈگری حاصل کی۔

خودکش حملہ آور شاری بلوچ کو 2019ء میں محکمۂ تعلیم بلوچستان میں سرکاری ملازمت مل گئی تھی اور وہ آخری وقت تک بلوچستان کے شہر تربت سے 20 کلومیٹر کی مسافت پر واقع یونین کونسل کلاتک کے گورنمنٹ گرلز مڈل اسکول میں ٹیچر کی حیثیت سے فرائض سر انجام دے رہی تھی اور طالبات کو سائنس پڑھاتی تھی۔

کمیونٹی ذرائع کے مطابق ملزمہ باشعور اور سہولت یافتہ خاندان سے تعلق رکھنے والی تعلیم یافتہ خاتون تھی۔

شاری بلوچ زمانۂ طالب علمی سے ہی بلوچ اسٹوڈنٹس آرگنائزیشن کے پلیٹ فارم سے قوم پرستانہ سیاست میں شریک ہوئی۔

بتایا جاتا ہے کہ ملزمہ نے لگ بھگ 2 سال قبل کالعدم بی ایل اے کے مجید بریگیڈ میں شمولیت اختیار کی تھی جس کے بعد اسے خودکش حملے کے لیے تیار کیا گیا۔

ملزمہ کے خاندان کو دہشت گردی کے واقعے کے بارے میں میڈیا سے پتہ چلا، جس کے بعد سے خاندان کے افراد خاموش ہیں جو سیکیورٹی خدشات کے باعث میڈیا سے بات نہیں کر رہے۔

سوشل میڈیا پر پروپیگنڈا کیا جا رہا ہے کہ شاری بلوچ کے خاندان کے بعض افراد لاپتہ ہوئے تھے اس لیے اس نے انتقامی طور پر ایسا کیا۔

شاری بلوچ کے خاندانی ذرائع کے مطابق ایسا کبھی نہیں ہوا، درحقیقت خاندان کے بیشتر افراد کے سرکاری ملازمتوں پر ہونے کی وجہ سے آج تک کسی فرد کے خلاف کوئی کارروائی نہیں ہوئی تھی۔

شاری بلوچ کے خاندان میں لگ بھگ تمام افراد تعلیم یافتہ ہیں جو اچھے و پرکشش سرکاری عہدوں پر کام کرتے رہے ہیں اور بیشتر ابھی بھی سرکاری ملازمتیں کر رہے ہیں۔

ذرائع نے شاری بلوچ کے کراچی یونیورسٹی کی طالبہ ہونے سے لا علمی ظاہر کی ہے۔

قومی خبریں سے مزید

Original Article

خاتون کا خودکش حملہ، 3 چینی ہلاک، جامعہ کراچی میں کنفیوشس انسٹی ٹیوٹ کے باہر وین کو نشانہ بنایا گیا، ڈرائیور بھی جاں بحق

اسٹیٹ بینک عید الفطر پر 4 دن بند رہے گا

ملک کی حقیقی آزادی کیلئے کل شب دعا کرینگے: عمران خان

بلاول ملکی تاریخ کے کم عمر ترین وزیر خارجہ بن گئے

جامعہ کراچی دھماکا، چینی قونصل جنرل نے متاثرہ گاڑی پر پھول رکھے

سوشل میڈیا پر فوج، عدلیہ، الیکشن کمیشن کیخلاف مہم چل رہی ہے: خواجہ آصف

جامعہ کراچی میں سیکیورٹی انتہائی سخت کردی گئی

بلاول بھٹو نے وفاقی وزیر خارجہ کے عہدے کا حلف اٹھالیا

عاصم احمد چیئرمین ایف بی آر مقرر

چینی اساتذہ کی فول پروف سیکیورٹی تھی، صوبائی وزیر جامعات اسماعیل راہو

وزیرِ اعلیٰ کا انتخاب: پنجاب اسمبلی کا اجلاس کل ہو گا

سندھ ہاؤس حملہ کیس،گرفتارPTI ایم این ایز جوڈیشل ریمانڈ پر جیل منتقل

مریم نواز نے پاسپورٹ واپسی کی درخواست واپس لے لی

فیصلہ میرٹ پر ہوگا، ہمیں نہیں دیکھنا باہر 5 بندے آئے یا 5 لاکھ، چیف الیکشن کمشنر

وزیرِ اعظم اور وزیرِاعلیٰ پنجاب کی ضمانتوں میں توسیع

گورنر پنجاب نے آئینی ماہرین کا اجلاس بلالیا

کے الیکٹرک صارفین کیلئے بجلی 4 روپے 83 پیسے مہنگی ہونے کا خدشہ

خودکش حملہ آور خاتون کی شناخت ہو گئی: ایڈیشنل آئی جی