Categories
Breaking news

جامعہ کراچی خود کش حملہ: دہلی کالونی کے 2 فلیٹس پر چھاپہ

جامعہ کراچی خود کش حملہ: دہلی کالونی کے 2 فلیٹس پر چھاپہ

جامعہ کراچی میں ایک روز قبل ہونے والے خود کش حملے کی تفتیش کے سلسلے میں سی ٹی ڈی اورقانون نافذ کرنے والے اداروں نے دہلی کالونی میں 2 فلیٹس پر چھاپہ مارا ہے۔

تفتیشی ذرائع کے مطابق چھاپوں کے دوران پاکستانی اور غیر ملکی موبائل فون سمز اور دستاویزات برآمد ہوئی ہیں۔

تفتیشی ذرائع نے بتایا ہے کہ کارروائی زیرِ حراست مختلف افراد کی نشاندہی پر کی گئی ہے۔

جامعہ کراچی خود کش دھماکے میں جاں بحق ڈرائیور کی نمازِ جنازہ ادا

جامعہ کراچی خود کش دھماکے میں چینی اساتذہ کرام کے ساتھ جاں بحق ہونے والے ڈرائیور خالد کی میت کو سرد خانے سے ان کے گھر منتقل کر دیا گیا۔

تفتیشی ذرائع کا مزید کہنا ہے کہ مختلف چھاپوں کے دوران اب تک 6 سے 7 افراد کو حراست میں لیا گیا ہے۔

تفتیشی ذرائع کا یہ بھی کہنا ہے کہ دہلی کالونی کے فلیٹس میں یہ چھاپے جامعہ کراچی دھماکے کے تناظر میں مارے گئے ہیں۔

خودکش حملے میں 3 چینی شہری، ڈرائیور جاں بحق

واضح رہے کہ جامعہ کراچی میں ایک روز قبل ہونے والے خودکش حملے میں 3 چینی شہری اور ڈرائیور خالد جاں بحق ہو گیا تھا۔

یونیورسٹی میں کنفیوشس انسٹیٹیوٹ کے باہر خاتون نے وین قریب پہنچنے پر خود کو دھماکے سے اڑا لیا تھا۔

بم ڈسپوزل اسکواڈ کے مطابق دھماکے میں 3 سے 4 کلو بارودی مواد استعمال کیا گیا۔

قومی خبریں سے مزید

Original Article

Leave a Reply

Your email address will not be published.