Categories
Breaking news

توہینِ الیکشن کمیشن، عمران خان و اسد عمر کی غیر حاضری کی درخواست دائر

—فائل فوٹو
—فائل فوٹو

چیف الیکشن کمشنر سکندر سلطان راجہ اور الیکشن کمیشن آف پاکستان کے خلاف توہین آمیز اور غیر پارلیمانی ریمارکس کے معاملے کی سماعت کے دوران عمران خان اور اسد عمر کی غیر حاضری کی درخواست دائر کر دی گئی۔

پی ٹی آئی کے چیئرمین عمران خان اور دیگر رہنماؤں اسد عمر، فواد چوہدری کے خلاف توہینِ الیکشن کمیشن اور چیف الیکشن کمشنر کیس کی سماعت ممبر سندھ نثار درانی کی سربراہی میں 4 رکنی بینچ نے کی۔

دورانِ سماعت عمران خان کے وکیل فیصل چوہدری الیکشن کمیشن میں پیش ہوئے۔

توہین الیکشن کمیشن، عمران خان، فواد چوہدری اور اسد عمر کو نوٹس جاری

توہین الیکشن کمیشن اور توہین الیکشن کمشنر کیس میں سپریم کورٹ نے چیئرمین پی ٹی آئی عمران خان، فواد چوہدری اور اسد عمر کو نوٹس جاری کر دیے۔

فیصل چوہدری نے الیکشن کمیشن کے روبرو بتایا کہ عمران خان گولی لگنے سے مکمل صحت یاب نہیں ہوئے ہیں اور آرام کر رہے ہیں، انہیں ڈاکٹر نے ابھی سفر کی اجازت نہیں دی ہے۔

عمران خان کے وکیل نے بتایا کہ فواد چوہدری کو ڈینگی ہو گیا ہے، جس سے ریکوری میں 10 سے 15 روز درکار ہیں۔

فیصل چوہدری نے کہا کہ اسلام آباد ہائی کورٹ میں کل ہم توہینِ الیکشن کمیشن کیس پر دلائل کے لیے تیار تھے، وہاں پتہ چلا کہ سپریم کورٹ میں الیکشن کمیشن کی اس سے متعلق درخواست ہے۔

عمران خان اور اسد عمر کی جانب سے الیکشن کمیشن میں غیر حاضری کی درخواست دے دی گئی۔

الیکشن کمیشن آف پاکستان نے مزید سماعت 13 دسمبر تک ملتوی کر دی۔

قومی خبریں سے مزید

Original Article

Leave a Reply

Your email address will not be published. Required fields are marked *