Categories
Breaking news

تنخواہوں میں اضافہ وفاقی اور سیکریٹریٹ ملازمین کیلئے ہے، شیخ رشید

Advertisement
تنخواہوں میں اضافہ وفاقی اور سیکریٹریٹ ملازمین کیلئے ہے، شیخ رشید

وزیر داخلہ شیخ رشید احمد کا کہنا ہے کہ تنخواہوں میں اضافہ وفاقی اور سیکریٹریٹ ملازمین کے لیے ہے۔

Advertisement

وفاقی ملازمین کے وفد اور حکومتی ٹیم کے درمیان مذاکرات شروع ہوگئے، حکومتی ٹیم میں شیخ رشید، پرویز خٹک اور علی محمد شامل ہیں۔

Table of Contents

x
Advertisement

ذرائع کا کہنا ہے کہ وفاقی ملازمین کے وفد کی قیادت رحمان باجوہ کررہے ہیں، مذاکرات میں تنخواہوں کے معاملے کو حتمی شکل دیے جانے کا امکان ہے۔

ذرائع کے مطابق وزیراعظم وفاقی ملازمین کی تنخواہوں میں اضافے کی منظوری دے چکے ہیں، تنخواہیں بڑھانے کی منظوری وفاقی کابینہ سے سمری سرکولیشن سے لی جائے گی۔

وزیرِاعظم عمران خان کی وفاقی ملازمین کی تنخواہوں میں اضافے کی منظوری

وزیرِاعظم عمران خان نے وفاقی سرکاری ملازمین کی تنخواہوں میں اضافے کی منظوری دے دی۔

وزیر داخلہ شیخ رشید نے کہا کہ 1 گریڈ سے 19 گریڈ تک تمام باتیں باہمی اتفاق رائے سے طے ہوگئی ہیں، وزیراعظم نے سرکاری ملازمین کے مسئلے کے لیے کمیٹی بنائی تھی۔

انہوں نے کہا کہ آج سرکاری ملازمین کی ہڑتال ختم ہو جائے گی اور سب گھروں کو واپس جائیں گے، تمام گرفتار ملازمین کو رہا کرنے کا اعلان کرتا ہوں۔

شیخ رشید نے مزید کہا کہ جن کے خلاف پرچہ کٹا اور جو گرفتار ہوئے ان سب کو رہا کرنے کا اعلان کرتا ہوں، پولیس اور سیکیورٹی اہلکاروں کے لیے بھی اگلے بجٹ میں اضافہ ہوگا۔

دوسری جانب پرویز خٹک نے کہا کہ سرکاری ملازمین کو 25فیصد ایڈہاک ریلیف دیا جائے گا، جون میں بجٹ سے اپ گریڈیشن کا فیصلہ کیا ہے۔

اسلام آباد: احتجاجی ملازمین پریس کلب روانہ

سرکاری ملازمین سیکریٹریٹ چوک سے پریس کلب کی طرف روانہ ہو گئے، جس کے بعد شاہراہِ دستور کو ٹریفک کے لیے کھول دیا گیا ہے۔

انہوں نے کہا کہ ایڈہاک ریلیف بجٹ آنے سے پہلے ملتا رہے گا، ٹائم اسکیل خیبرپختونخوا میں منظور ہوگیا ہے، باقی صوبے بھی کریں گے، ٹائم اسکیل کا ایک طریقہ کار بنایا جائے گا کہ کس کو ملنا چاہیےاور کس کو نہیں۔

پرویز خٹک نے کہا کہ جب تک پے کمیشن کا فیصلہ نہیں آئے گا تب تک ایڈہاک ریلیف جاری رہےگا،معذرت خواہ ہیں جو بھی کل ہوا وہ نہیں ہونا چاہیے تھا۔

انہوں نے مزید کہا کہ گریڈ1 سے 19 گریڈ تک کے ملازمین کو ایڈ ہاک ریلیف ملے گا۔

علی محمد خان نے کہا کہ سرکاری ملازمین کا حق ہے کہ وہ اپنی تنخواہوں میں بڑھانے کا مطالبہ کریں، ایسا نہیں کہ کسی ایک کی تنخواہ زیادہ جبکہ دوسرے کی کم ہو۔

انہوں نے کہا کہ وزیراعظم عمران خان تفریق ختم کرنے آئے ہیں۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *