Categories
Breaking news

تعلیمی ادارہ 2 کورونا مثبت کیسز پر بند کر دیں گے، حکومت بلوچستان

Advertisement
تعلیمی ادارہ 2 کورونا مثبت کیسز پر بند کر دیں گے، حکومت بلوچستان

بلوچستان حکومت نے کسی بھی تعلیمی ادارے کو 2 کورونا مثبت کیسز پر بند کرنے کا فیصلہ کرلیا۔

بلوچستان کے وزیر تعلیم سردار یار محمد رند کی سربراہی میں تعلیمی اداروں میں کورونا وائرس کی صورتحال کا جائزہ لینے کےلیے اجلاس ہوا۔

اجلاس میں محکمہ صحت و تعلیم کے حکام شریک ہوئے، اس موقع پر بریفنگ میں بتایا گیا کہ بلوچستان میں کورونا کے پھیلاؤ کی شرح 6 سے 7 فیصد کے درمیان ہے۔

بریفنگ میں یہ بھی کہا گیا کہ بلوچستان کا ہیلتھ کئیر سسٹم کورونا سے متعلق درپیش صورتحال سے نبردآزما ہونے کےلئے تیار ہے۔

اجلاس میں فیصلہ کیا گیا کہ تعلیمی اداروں میں کورونا کی ٹیسٹنگ کےلئے اساتذہ کی رضاکارانہ خدمات حاصل کی جائیں گی۔

وزیر تعلیم بلوچستان نے کہا کہ تعلیمی اداروں میں ایس او پیز پر عمل درآمد یقینی بنایاجارہا ہے۔

اجلاس میں فیصلہ کیا گیا کہ کسی بھی تعلیمی ادارے کو 2 پازیٹیو کیسز پر مخصوص دنوں کےلئے بند کردیا جائے گا۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *