Categories
Breaking news

تحریک عدم اعتماد کی تجویز، بلاول بھٹو سمجھ دار اور بالغ ہوگئے، شیخ رشید

Advertisement

وفاقی وزیر داخلہ شیخ رشید نے وزیراعظم عمران خان کے خلاف تحریک عدم اعتماد کی پیپلز پارٹی کے چیئرمین بلاول بھٹو زرداری کی تجویز کو قانونی قرار دے دیا۔

پریس کانفرنس میں شیخ رشید نے کہا کہ بلاول بھٹو زرداری سمجھ دار اور بالغ ہوگئے ہیں، عدم اعتماد ہی آئینی اور قانونی طریقہ ہے۔

انہوں نے کہاکہ بلاول نے ٹھیک کہا ہے کہ جلسے، جلسوسوں سے کوئی نتیجہ نہیں نکلتا، پی ڈی ایم کو پرامن لانگ مارچ کی اجازت ہے۔

وزیر داخلہ نے دعویٰ کیا کہ سینیٹ الیکشن میں پی ٹی آئی کی مزید ایک سیٹ بڑھ جائے گی، عمران خان سے کوئی بھی پیچھے نہیں ہٹ رہا۔

یہ بھی پڑھیے

انہوں نے مولانا فضل الرحمٰن کو مخاطب کرتے ہوئے کہاکہ حکومت اسرائیل کو تسلیم کرنے کا ارادہ نہیں رکھتی۔

شیخ رشید نے مزید کہاکہ ساری جماعتیں فارن فنڈنگ کیس میں آگئی ہیں، ن لیگ ججوں اور اداروں کے خلاف باتیں کرتے ہیں۔

اُن کا کہنا تھاکہ اچھا ہے اپوزیشن نے پارلیمنٹ سے استعفوں کا معاملہ چھوڑ دیا، فضل الرحمٰن نے پاکستانی قوم کا بڑا وقت خراب کیا۔

وزیر داخلہ نے یہ بھی کہاکہ فضل الرحمٰن نے کشمیر کے نام پر قوم کا وقت خراب کیا، جے یو آئی سربراہ پرویز مشرف کے ساتھی رہ چکے ہیں۔

انہوں نے کہاکہ مدرسوں کے طلبہ نے الیکشن کمیشن پر احتجاج کے موقع پر سمجھ داری کا ثبوت دیا۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *