Categories
Breaking news

بی اے پی کی حمایت لینے کا فیصلہ بلاول بھٹو کا تھا، یوسف گیلانی

Advertisement

سابق وزیراعظم اور پیپلز پارٹی کے سینیٹر یوسف رضا گیلانی نے کہا ہے کہ بلوچستان عوامی پارٹی (بی اے پی) کی حمایت لینے کا فیصلہ بلاول بھٹو کا تھا۔

نجی ٹی وی چینل کو انٹرویو میں یوسف رضا گیلانی نے کہا کہ بی اے پی کے 4 ناراض ارکان نے بلاول بھٹو سے رابطہ کیا تھا۔

انہوں نے مزید کہا کہ چیئرمین سینیٹ یا اپوزیشن لیڈر کی نشست میں دلچسپی نہیں تھی، بی اے پی کی حمایت حاصل کرنے کا فیصلہ بھی پارٹی چیئرمین کا ہی تھا۔

سابق وزیراعظم نے یہ بھی کہا کہ اپوزیشن اتحاد (پی ڈی ایم) کو برقرار رہنا چاہیے، پی ڈی ایم کے اجلاسوں میں کبھی یہ نہیں کہا گیا کہ لانگ مارچ کا فیصلہ استعفوں سے مشروط ہے۔

اُن کا کہنا تھا کہ اسمبلیوں سے استعفے کا فیصلہ غیرمتوقع طور پر سامنے آیا، استعفے دے دیے جائیں گے تو اس کے بعد کیا ہوگا۔

یوسف رضا گیلانی نے کہا کہ پیپلز پارٹی کی سینٹرل ایگزیکٹو کمیٹی (سی ای سی) بھی استعفوں کے بعد کی صورتحال سے متعلق سوال پوچھے گی۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *