Categories
Breaking news

بھارت کوئی بھی بڑا دہشت گردی کا واقعہ کر سکتا ہے، شیخ رشید

Advertisement

وزیر ریلوے شیخ رشید احمد کا کہنا ہے کہ بھارت ملک میں کوئی بھی بڑا دہشت گردی کا واقعہ کر سکتا ہے۔

Advertisement

لاہور میں ریلوے ہیڈ کوارٹرز میں میڈیا سے گفتگو کرتے ہوئے وزیر ریلوے شیخ رشید احمد نے کہا کہ بھارت، پاکستان کو اندر سے تباہ کرنا چاہتا ہے لیکن پاکستان کو سرحدوں پر نقصان نہیں پہنچا سکتا کیونکہ بھارت پاکستان میں دہشت گردی پھیلانے میں ناکام رہا ہے۔

انہوں نے کہا کہ گلگت بلتستان میں پہلی مرتبہ تمام سیاسی جماعتوں نے بڑے جلسے کیے ہیں، سیاستدان اپنی سکیورٹی کا خیال رکھیں، را کسی کو بھی نقصان پہنچا سکتی ہے۔

ہمارے پاس بھارت کے خلاف ناقابلِ تردید شواہد ہیں: شاہ محمود قریشی

وزیرِ خارجہ مخدوم شاہ محمود قریشی کہتے ہیں کہ ہمارے پاس بھارت کے خلاف ناقابلِ تردید شواہد موجود ہیں، بھارت کے خلاف شواہد بین الاقوامی برادری کے سامنے ڈوزیئر کی شکل میں پیش کر رہا ہوں۔

شیخ رشید نے کہا کہ مریم نواز کو سمجھ آ چکی ہے کہ حکومت کہیں نہیں جا رہی، انہوں نے جو کچھ کہا ہے وہ اپنے والد کی نفی کی ہے، الیکشن میں ہارنے والا یہی کہے گا کہ دھاندلی ہوئی ہے، اب تو امریکا میں بھی ہار کو تسلیم نہیں کیا جارہا۔

اُن کا کہنا ہے کہ یہ لوگ ایک ٹکٹ میں دو مزے لینا چاہتے ہیں، عمران خان بہت محنت کر رہے ہیں، تیس دسمبر سے پہلے پہلے عمران خان مہنگائی کو کنٹرول کرلیں گے۔

انہوں نے کہا کہ شہباز شریف اور نواز شریف کے غیر سیاسی اور غیر اخلاقی بیان کے سامنے نہیں کھڑے ہو سکتے، شہباز شریف، نواز شریف کو سعودی عرب سے لے کر آئے تھے، جہانگیر ترین آگئے ہیں، اب نواز شریف کو بھی آجانا چاہیے، جہانگیر ترین اپنے بچوں کے ساتھ واپس آگئے ہیں۔

ترجمان پاک فوج نے ’را‘ کی دہشتگردی کی فنڈنگ کے شواہد پیش کر دیئے

پاک فوج کے شعبۂ تعلقاتِ عامہ (انٹر سروسز پبلک ریلیشنز) کے ڈائریکٹر جنرل میجر جنرل بابر افتخار نے پاکستان میں دہشت گردی کا بھارتی منصوبہ بے نقاب کرتے ہوئے بھارتی خفیہ تنظیم ’را‘ کی دہشت گردی کے لیے فنڈنگ کے شواہد پیش کر دیئے۔

شیخ رشید نے کہا کہ فضل الرحمان اورن لیگ کا بیانیہ قریب قریب ہے، پیپلز پارٹی اس بیانیے کے ساتھ نہیں چلے گی، عمران خان حکومت میں رہیں یا نہ رہیں، وہ کسی کرپٹ سے معاملہ نہیں کر سکتے۔

میڈیا سے گفتگو کرتے ہوئے شیخ رشید نے مزید کہا کہ ہم جنگ نہیں چاہتے، مسلط کی گئی تو بچہ بچہ ملک کی حفاظت کرے گا۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *