Categories
Breaking news

بھارتی فوج کی جیپ برف باری کے سبب کھائی میں جاگری

Advertisement

حادثہ

چین کی سرحد کے قریب ٹریفک حادثے کے نتیجے میں 3 بھارتی فوجیوں سمیت 4 افراد ہلاک ہوگئے۔

چین کی سرحد کے قریب نتھولا کے مقام پر بھارتی فوج کی جیپ موڑ پر برف باری کے سبب کھائی میں جاگری جس کے نتیجے میں گاڑی میں سوار تین بھارتی فوجیوں سمیت 4 افراد ہلاک اور ایک اہلکار شدید زخمی ہوگیا۔

حادثے کے بعد جائے وقوعہ پر امدادی کارروائیوں کا آغاز کردیا گیا اور لاشوں کو پوسٹ مارٹم کے لیے اسپتال منتقل کردیا گیا ہے۔

Advertisement

حادثے میں زخمی ہونے والے اہلکار کو ہیلی کاپٹر کے ذریعے کولکتہ منتقل کردیا گیا جبکہ ہلاک ہونے والوں میں بھارتی فوج کے کرنل کا بیٹا بھی شامل ہےجس کی عمر 13 سال بتائی گئی ہے۔

علاوہ ازیں ریاست اترپردیش میں ایک اور بھارتی فوجی نے اپنی زندگی کا خاتمہ کرلیا، اہلکار کی شناخت راجیو کے نام سے ہوئی جو مغربی بنگال میں تعینات تھا اور چھٹیوں پر گاؤں واپس آیا تھا۔

یاد رہے کہ گزشتہ 10 دنوں میں دو بھارتی فوجی خودکشی کرچکے ہیں جبکہ 13 سال کے دوران 485 اہلکار ذہنی دباؤ کے باعث اپنی زندگی کا خاتمہ کرچکے ہیں۔

Advertisement

Leave a Reply

Your email address will not be published. Required fields are marked *