بچی سے زیادتی و قتل کا ملزم قبائلی ضلع خیبر سے گرفتار کیا، سی سی پی او پشاور

پشاور کے نواحی علاقہ بڈھ بیر میں 7 سالہ بچی کو زیادتی کا نشانہ بنانے اور قتل کرنے کے بعد لاش کو جلانے والا مرکزی ملزم قبائلی ضلع خیبر سے گرفتار کر لیا گیا ہے۔

سی سی پی او پشاور محمد علی گنڈا پور نے بڈھ بیر میں بچی کے قتل کیس کے حوالے سے پولیس لائنز میں میڈیا بریفنگ میں بتایا کہ بڈھ بیر میں بچی کے قتل کے ملزم کو ضلع خیبر سے گرفتار کیا گیا ہے۔

انہوں نے بتایا کہ پہلے مرحلے میں ملزم کی نشاندہی جبکہ دوسرے مرحلہ میں گرفتار کیا گیا، ملزم نے ثبوت مٹانے کے لئے بچی کی لاش کو جلایا تھا۔

یہ بھی پڑھیے

محمد علی گنڈاپور نے کہا کہ یہ ایک چلینجنگ کیس تھا، واقعہ کی تحقیقات اور ملزم کی گرفتاری کے لئے 5 کمیٹیاں تشکیل دی گئی تھیں۔

انہوں نے کہا کہ عدالت سے ملزم کو قرار واقعی سزا دلوانے کی کوشش کریں گے۔

سی سی پی نے بتایا کہ ملزم نے جنسی زیادتی کے لئے بچی کو اغواء کیا تھا، ملزم کے سہولت کاروں کو بھی گرفتار کیا جائے گا، تحقیقات کے دوران 500 سے زیادہ افراد کے خون کے نمونے اور کوائف لئے گئے تھے۔

قومی خبریں سے مزید