بٹگرام: خاتون کی بچے سمیت پولنگ ڈیوٹی

خیبر پختون خوا کے ضلع بٹگرام کے خواتین پولنگ اسٹیشن میں اسٹاف خاتون شیر خوار بچے سمیت ڈیوٹی پر موجود ہیں۔

اسکول ڈیسک کو جھولا بنا دیا گیا

خاتون پولنگ آفیسر اپنے 4 ماہ کے بچے سمیت فرائض انجام دینے پہنچی ہیں جنہوں نے بچے کے لیے اسکول ڈیسک کو جھولا بنا لیا ہے۔

ووٹنگ کے دوران پولنگ اسٹیشن میں بچے کے رونے کی آوازیں بھی گونجنے لگیں۔

بٹگرام کے گورنمنٹ پرائمری اسکول گیر ولی میں کمسن بچہ ووٹرز کی توجہ کا مرکز بن گیا ہے۔

KPK میں دوسرے مرحلے کے بلدیاتی انتخابات

واضح رہے کہ خیبر پختون خوا میں آج دوسرے مرحلے کے بلدیاتی انتخابات کا میدان سج گیا ہے۔

الیکشن کا مرحلہ شروع ہونے کے ساتھ ہی خیبر پختون خوا میں پاکستان تحریکِ انصاف (پی ٹی آئی) کی مقبولیت کا امتحان بھی جاری ہے۔

خیبر پختون خوا کے 18 اضلاع میں عوام آج ووٹ کے ذریعے فیصلہ کر رہے ہیں۔

صبح 8 بجے شروع ہونے والی پولنگ شام 5 بجے تک جاری رہے گی۔

قومی خبریں سے مزید

لاہور میں بجلی کی لوڈشیڈنگ میں اضافہ