بلوچستان میں کورونا وائرس میں مبتلا ایک اور مریض کا انتقال ہوگیا، جس کے بعد صوبے میں کورونا سے جاں بحق افراد کی تعداد 191 تک پہنچ گئی۔

صوبے کےچار اضلاع میں چوبیس گھنٹوں کے دوران کورونا کے 18 نئے مریض سامنے آگئے جبکہ کورونا میں مبتلا 9 مریض صحت یاب ہوگئے۔

Table of Contents

x
Advertisement

محکمہ صحت بلوچستان کی رپورٹ کے مطابق منگل کو صوبے میں 431 افراد کے کورونا ٹیسٹ کئے گئے۔ جس کے نتیجے میں صوبے کے 4 اضلاع سے 18نئے کیسز سامنے آئے۔

ان میں سب سے زیادہ 10 کورونا کیسز کوئٹہ سے رپورٹ ہوئے۔ کیچ سے پانچ، چاغی سے دو اور خضدار سے ایک کیس سامنے آیا۔ جس کے بعد صوبے میں ابتک کورونا وائرس سے متاثر ہونے والوں کی مجموعی تعداد 18 ہزار 640 ہوگئی۔

یہ بھی پڑھیے

رپورٹ کے مطابق 24 گھنٹوں کے دوران کورونا میں مبتلا 9 مریضوں کے صحت یاب ہونے کے بعد صوبے میں صحت یاب ہونے والوں کی تعداد 18 ہزار 119 ہوگئی۔

بلوچستان میں 24 گھنٹے کے دوران کورونا میں مبتلا ایک اور مریض کے انتقال کرجانے سے صوبے میں کورونا سے انتقال کرجانے والوں کی تعداد 191 ہوگئی۔

محکمہ صحت کے مطابق کوئٹہ میں 24 گھنٹوں کے دوران کورونا کی تشخص کیلئے 293 ٹیسٹ کئے گئے، اس دوران کورونا کے 10 مریض سامنے آئے، کوئٹہ میں آج کورونا کی شر ح 3.4 فیصد رہی۔

قومی خبریں سے مزید