بلوچستان: کورونا کے پھیلاؤ کی شرح میں اضافہ برقرار

—فائل فوٹو

بلوچستان میں کورونا وائرس کے مثبت کیسز کے پھیلاؤ کی شرح میں اضافہ برقرار ہے، گزشتہ روز بلوچستان میں کورونا وائرس کے مثبت کیسز کی شرح 2.76 فیصد رہی۔

محکمۂ صحت بلوچستان کے مطابق گزشتہ روز صوبے کے 6 اضلاع میں کورونا وائرس کے 471 ٹیسٹ کیے گئے جن کے ذریعے کورونا وائرس کے 13 کیسز رپورٹ ہوئے۔

گزشتہ روز گوادر سے کورونا وائرس کے 11 اور کوئٹہ سے 2 کیسز رپورٹ ہوئے جبکہ بلوچستان کے دیگر 28 اضلاع میں کورونا وائرس کا کوئی ٹیسٹ نہیں ہوا۔

واضح رہے کہ 2 روز قبل بلوچستان کے 6 اضلاع سے کورونا وائرس کے 16 مثبت کیسز رپورٹ ہوئے تھے جبکہ مثبت کورونا کیسز کی شرح 3.29 فیصد ریکارڈ ہوئی تھی۔

محکمۂ صحت بلوچستان کے مطابق گزشتہ روز صوبے میں کورونا وائرس سے متاثرہ 13 افراد صحت یاب ہوئے تھے جبکہ اس وقت فعال کیسز کی تعداد 85 ہے۔

یاد رہے کہ بلوچستان میں کورونا وائرس کا کوئی مریض اس وقت کسی اسپتال میں زیرِ علاج نہیں ہے۔

قومی خبریں سے مزید

چند جج صاحبان فیصلے کر رہے ہیں، قمر کائرہ