Categories
Breaking news

بلوچستان میں 1 ہفتے میں کورونا وائرس سے 3 اموات ہوئیں، ترجمان حکومت

Advertisement
بلوچستان میں 1 ہفتے میں کورونا وائرس سے 3 اموات ہوئیں، ترجمان حکومت

حکومتِ بلوچستان کے ترجمان لیاقت شاہوانی کہتے ہیں کہ بلوچستان میں ایک ہفتے میں کورونا وائرس کی وجہ سے 3 اموات ہوئی ہیں۔

Advertisement

کوئٹہ میں ترجمان حکومتِ بلوچستان لیاقت شاہوانی نے میڈیا بریفنگ میں کہا کہ ملک بھر میں کورونا وائرس کے کیسز بڑھ رہے ہیں، جس کے باعث ایس او پیز پر سختی سے عمل درآمد کا فیصلہ کیا گیا ہے۔

وزیرِاعلیٰ بلوچستان قرنطینہ میں ہیں: لیاقت شاہوانی

حکومتِ بلوچستان کے ترجمان لیاقت شاہوانی کہتے ہیں کہ وزیرِاعلیٰ بلوچستان جام کمال خان کورونا وائرس کا ٹیسٹ مثبت آنے کے بعد قرنطینہ میں ہیں۔

x
Advertisement

لیاقت شاہوانی کا کہنا ہے کہ بلوچستان میں اکتوبر میں کورونا وائرس کے کیسز کی شرح 21 فیصد رہی ہے،ملک کی نسبت بلوچستان میں کیسز کی شرح کم ہے۔

انہوں نے کہا کہ بلوچستان میں کورونا وائرس کی ایس او پیز پر عمل درآمد نہ کرنے والوں پر جرمانے کی تجویز بھی ہے، بلوچستان میں دفاتر میں ملازمین کی شرح 50 فیصد تک کرنے کی بھی تجویز ہے۔

ترجمان بلوچستان حکومت نے کہا کہ ہم نے این سی او سی کی تجاویز پر فی الحال عمل درآمد کا فیصلہ نہیں کیا ہے، عوام سے اپیل ہے کہ کورونا وائرس سے بچاؤ کے لیے ماسک کا استعمال یقینی بنائیں۔

یہ بھی پڑھیے

انہوں نے مزید کہا کہ نواز شریف کے دور میں بلوچستان میں ترقی کے لیے کچھ نہیں کیا گیا، ماضی کی حکومتوں نے بلوچستان کی محرومیوں میں اضافہ کیا۔

ترجمان حکومتِ بلوچستان لیاقت شاہوانی کا یہ بھی کہنا ہے کہ پی ڈی ایم کا اتحاد غیر فطری ہے، جلد اختلافات سامنے آجائیں گے، ماضی میں ترقی کے معاملے میں بلوچستان کو نظر انداز کیا گیا۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *