Categories
Breaking news

بلوچستان میں کورونا وائرس کے نئے کیسز میں تیزی آگئی

Advertisement
جنگ نیوز

بلوچستان میں کورونا وائرس کے نئے کیسز میں تیزی آگئی، 24 گھنٹوں کے دوران گیارہ طالب علموں سمیت کورونا کے65 نئے مریض سامنے آگئے، کورونا میں مبتلا ایک اور مریض کے انتقال کر جانے سے جاں بحق افراد کی مجموعی تعداد 156ہوگئی۔

محکمہ صحت بلوچستان کی جاری رپورٹ کے مطابق ہفتہ کے روز صوبے میں 754 افراد کے کورونا ٹیسٹ کئے گئے، ان ٹیسٹ کے نتیجے میں صوبے کے 5 اضلاع سے 65 نئے کیسز سامنے آگئے، جس کے بعد صوبے میں ابتک کورونا وائرس سے متاثر ہونے والوں کی مجموعی تعداد 16 ہزار 393 ہوگئی۔

Table of Contents

x
Advertisement

رپورٹ کے مطابق چوبیس گھنٹوں کے دوران کورونا میں مبتلا 16 مریضوں کے صحت یاب ہونے کے بعدصوبے میں صحت یاب ہونے والوں کی تعداد 15 ہزار 817 ہوگئی، صوبے میں کورونا کے ایکٹو مریضوں کی تعداد 420 ہے جبکہ 243 افراد کے کورونا ٹیسٹ کے نتائج آنا ابھی باقی ہیں۔

یہ بھی پڑھیے

محکمہ صحت کے مطابق صوبے میں کورونا میں مبتلا ایک مریض کے انتقال کے بعد صوبے میں کورونا سے جاں بحق افراد کی مجموعی تعداد 156 ہوگئی ہے۔

محکمہ صحت کی رپورٹ کے مطابق صوبے کے تعلیمی اداروں میں مزید 11طالب علموں کے کورونا ٹیسٹ مثبت آنے کے بعد صوبے میں کورونا میں مبتلا طالب علموں کی تعداد 844 ہوگئی ہے۔

محکمہ صحت کے مطابق کوئٹہ میں 24 گھنٹوں کے دوران کورونا کے 541 ٹیسٹ کئے گئے، اس دوران کورونا کے 44 مریض سامنے آئے، کوئٹہ میں آج کورونا کی شرح 8.1 فیصد رہی۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *