بلوچستان میں کورونا وائرس کے پھیلاؤ کی شرح بڑھ کر 6.9 فیصد ہوگئی۔

صوبائی محکمہ صحت کی رپورٹ کے مطابق گزشتہ 24گھنٹوں کے دوران صوبے میں کورونا کے57 نئے مریض سامنے آگئے اور مزید 27 مریض صحت یاب ہوئے۔

رپورٹ کے مطابق بدھ کو صوبے میں 816 افراد کے کورونا ٹیسٹ کیے گئے جس کے نتیجے میں کوئٹہ سے 53 ،سبی سے 2، چاغی اور ژوب سے ایک ایک کیس رپورٹ ہوا،صوبے میں نئے کورونا کیسز سامنے آنے کے بعد وائرس سے متاثر ہونے والوں کی مجموعی تعداد 19 ہزار999ہوگئی۔

محکمہ صحت کے مطابق بلوچستان میں کورونا سے انتقال کر جانے والوں کی تعداد212 ہے ۔

قومی خبریں سے مزید