Categories
Breaking news

بزدار کا کارپوریٹ ایگریکلچر فارمنگ پالیسی مرتب کرنے کا فیصلہ

پنجاب کےوزیراعلیٰ سردار عثمان بزدار نے چند روز میں کارپوریٹ ایگریکلچر فارمنگ پالیسی مرتب کرنے کی ہدایت کردی اور کہا ہے کہ پالیسی کے ذریعے چین کے سرمایہ کاروں کو کارپوریٹ ایگریکلچر فارمنگ کے لئے اراضی دی جا سکے گی ، زرعی شعبے کی خوشحالی سے صوبے کی معیشت مضبوط ہو گی۔

وزیراعلیٰ پنجاب کی زیرِ صدارت اعلیٰ سطح کا اجلاس ہوا جس میں چیئرمین سی پیک اتھارٹی عاصم سلیم باجوہ نےبھی شرکت کی۔

اجلاس میں کارپوریٹ ایگریکلچر فارمنگ پالیسی مرتب کرنے کا فیصلہ کیا گیا، عثمان بزدار کا کہنا ہے کہ فوڈ سیکیورٹی کے لئے کارپوریٹ ایگریکلچر فارمنگ کو فروغ دینا وقت کا تقاضا ہے۔

انہوں نے کہاکہ فیصل آباد اکنامک زون میں چینی سرمایہ کاروں کو سہولتیں دی گئی ہیں، کارپوریٹ ایگریکلچر فارمنگ میں بھی چینی سرمایہ کاروں کی سرمایہ کاری کا خیر مقدم کریں گے،

وزیر اعلیٰ نے کہاکہ سی پیک گیم چینجر اور پاکستان کی ترقی و خوشحالی کا ضامن ہے۔

قومی خبریں سے مزید

Original Article

Leave a Reply

Your email address will not be published. Required fields are marked *