برسلز: دودھ اور گوشت کی پیداوار میں اضافے کیلئے اہم معاہدہ ہوگیا

برسلز میں قائم پاک بینیلکس اوورسیز چیمبر آف کامرس اینڈ انڈسٹری اور ڈیری اینڈ کیٹل فارمرز ایسوسی ایشن پاکستان نے باہمی تعاون کے معاہدے پر دستخط کردیے۔

اس معاہدے کے تحت دونوں تنظیمیں پاکستان میں دودھ اور گوشت کی پیداوار میں اضافے اور زراعت میں توانائی سے بھر پور اجناس کی پیداوار کیلئے بینیلکس ممالک کے تجربات کو سامنے رکھتے ہوئے ایک دوسرے سے تعاون کریں گی۔

اس تعاون کے نتیجے میں پاکستان کا نہ صرف ڈیری اور ایگری فارمر خوشحال ہوگا بلکہ پاکستان کی معاشی ترقی میں بھی یہ سیکٹر اپنا حقیقی کردار ادا کر پائے گا۔

اس معاہدے پر ڈیری اینڈ کیٹل فارمرز ایسوسی ایشن کی جانب سے اس کے صدر شاکر عمر گجر اور پاک بینیلکس اوورسیز کی جانب سے ان کے صدر نے دستخط کیے۔

اس موقع پر گفتگو کرتے ہوئے شاکر عمر گجر نے کہا کہ ان کی یہ شدید خواہش ہے کہ میرا کسان نہ صرف پاکستان کی بڑھتی ہوئی مقامی ضروریات کو پورا کرنے کے قابل ہو بلکہ وہ اپنی مصنوعات کی درست قیمت بھی حاصل کر سکے۔

ان کا کہنا تھا کہ وہ یہ بھی چاہتے ہیں کہ ہمارے فارمرز ترقی پسند بنیں اور دنیا کے تجربات سے فائدہ اٹھانے اور ان کے مشاہدے کے لیے وہ دنیا بھر کا سفر کرنے کے قابل ہو سکیں۔

دوسری جانب پاک بینیلکس اوورسیز چیمبر کے صدر نے ایم او یو پر دستخط کرنے کے بعد اپنے خیالات کا اظہار کرتے ہوئے کہا کہ دنیا میں قوموں کی ترقی کا ایک ہی فارمولا ہے کہ وہ اپنی ترقی کے بارے میں خود سوچتی ہیں۔ کوئی بھی باہر سے آکر ان کو ترقی نہیں دے گا۔ ترقی کا دوسرا پہلو یہ ہوتا ہے کہ قومیں سب سے پہلے اس چیز پر محنت کرتی ہیں جو ان کے پاس پہلے سے موجود ہوتی ہے۔

ان کا کہنا تھا کہ پاکستان ایک زرعی ملک ہے لیکن ہم آج تک اپنی زراعت کو اس سطح پر نہیں لے جا سکے جہاں ہم اپنی ضروریات ہی پوری کرنے کے قابل ہوجاتے۔

انہوں نے کہا کہ اب ضرورت اس امر کی ہے کہ اسٹیک ہولڈرز آگے بڑھیں اور باہمی تعاون سے اس منزل کو حاصل کر لیں۔

دونوں فریقین کے درمیان اس بات پر اتفاق پایا گیا کہ پاکستان میں دودھ اور گوشت کی پیداوار بڑھانے کے لیے جانوروں کی نسل میں بہتری کی سخت ضرورت ہے جبکہ پاکستان میں موجود دودھ دینے والی نسلوں کا دودھ دینے کا دورانیہ بھی انتہائی کم ہے۔ اس کے علاوہ دودھ کی فروخت کی بڑی مارکیٹ میٹرو پولیٹن شہروں میں بچے دینے والی گائے یا بھینس کا دودھ بچانے کے لیے اس کے بچھڑوں کو فوری طور پر ذبح کردیا جاتا ہے۔

فریقین میں اتفاق ہوا کہ اس سارے عمل میں نہ صرف ہم اپنے جانوروں کی نئی نسل سے محروم ہو رہے ہیں بلکہ بڑے جانوروں سے بھی صرف ایک سال دودھ لیکر انہیں پیٹ کا ایندھن بنا ڈالتے ہیں۔ اس عمل کو ریورس کرنے کے لیے ضروری ہے کہ ہمارے ہاں جانور 8 لیٹر ایوریج کی بجائے 20 لیٹر دودھ دینے والے ہوں اور ان کا دودھ دینے کا دورانیہ بھی ایک سال کی بجائے 4 سے 5 سال پر محیط ہوجائے۔

اسی طرح زراعت ان دودھ دینے والے جانوروں کی خوراک کا اصل مرکز ہے۔ وہاں سے اگر توانائی سے بھرپور خوراک پیدا ہوگی تو اسی کے ذریعے جانوروں کو بہتر خوراک حاصل ہوگی۔ اس سارے عمل کو باہم ملانے اور اسے ٹیکنالوجی سے جوڑنے کی سخت ضرورت ہے۔ جس کے لیے بینیلکس ممالک سے حاصل تجربات کو پاکستان میں زرعی شعبے کی ترقی سے ملا کر بہتر نتائج حاصل کیے جا سکتے ہیں۔

معاہدے کے دوران اس بات پر بھی اتفاق پایا گیا کہ حکومت چارے میں استعمال ہونے والی مختلف اجناس کی برآمدات پر کم از کم اتنی پابندی ضرور عائد کرے جس سے فی الحال دودھ کی پیداواری لاگت کو کم کرنے میں مدد مل سکے اور بنیادی ضرورت کے طور پر دودھ عوام کی دسترس میں رہے۔

قومی خبریں سے مزید

Original Article

27 نومبر کو ہر صورت انتخابات کروائے جائیں، وزیراعظم آزاد کشمیر

عطا تارڑ نے تسنیم حیدر کی ذلفی بخاری کے ساتھ تصاویر شیئر کردیں

این ایچ اے، ایری گیشن کٹ بھرنے پر الجھے رہے اور المناک سانحہ رونما ہوگیا

عمران خان نے امریکی سازش اور اسٹیبلشمنٹ سے متعلق بیانیے بدل لیے

صدر نئے آرمی چیف سے متعلق سمری نہیں روکیں گے، شاہ محمود قریشی

ارشد شریف قتل کیس: وقار اور خرم مدد سے مُکر گئے

ریاست کی چیزیں بیچ کر کوئی کیسے صادق، امین ہوسکتا ہے، غفور حیدری

شیخ رشید پر پانچواں گیٹ بند، اب وہ بنی گالا کے تنخواہ دار ہیں، قادر پٹیل

بہاولپور میں تلخ کلامی کے باعث دلہا کو دلہن کے بغیر واپس بھیج دیا گیا

ن لیگ نے تسنیم حیدر کے پارٹی ترجمان ہونے کی تردید کردی

کراچی کے ہر ضلع میں کام ہو رہا ہے، شہر کو اس کا جائز مقام دلا کر رہیں گے، مرتضیٰ وہاب

عمران خان اب فیس سیونگ مانگ رہا ہے جو مل نہیں رہی، شرجیل میمن

بڑے مسائل ایزی لوڈ سے حل نہیں ہوتے، بیرسٹر محمد علی سیف

بلوچستان: بھاگ ناڑی میں بچوں میں گلے کی بیماری پھیلنے لگی

وزیراعظم کی کوششیں رنگ لے آئیں، موسمیاتی تباہی کے شکار غریب ممالک کیلئے بڑی خوشخبری

آپ کا فون آپ کی فیکٹری یا بزنس ہے، امین الحق