Categories
Breaking news

ایڈووکیٹ جنرل خیبر پختونخوا کے پیش نہ ہونے پر عدالت برہم

Advertisement
ایڈووکیٹ جنرل خیبر پختونخوا کے پیش نہ ہونے پر عدالت برہم

سپریم کورٹ آف پاکستان نے خیبر پختون خوا لوکل گورنمنٹ ایکٹ 2013ء کی شق 39 اور 41 پرعمل درآمد سے متعلق درخواست کی سماعت کے دوران ایڈووکیٹ جنرل خیبر پختون خوا کے پیش نہ ہونے پر اظہارِ برہمی کیا ہے۔

Advertisement

کیس کی سماعت سپریم کورٹ کے جسٹس قاضی فائز عیسیٰ کی سربراہی میں 2 رکنی بینچ نے کرتے ہوئے اٹارنی جنرل، الیکشن کمیشن اور ایڈووکیٹ جنرل کے پی کے کو نوٹس جاری کر دیئے۔

Table of Contents

x
Advertisement

جسٹس قاضی فائزعیسیٰ نے ریمارکس میں کہا کہ آئین اور قانون پر عمل نہ ہوا تو کے پی حکومت کےخلاف توہین عدالت کی کارروائی کریں گے۔

سپریم کورٹ، 120 عدالتیں بنانے کیلئے ایک ماہ کی مہلت

اسلام آباد (اے پی پی)سپریم کورٹ نے نئی احتساب…

دورانِ سماعت لوکل باڈی الیکشن کا تذکرہ بھی ہوا، جسٹس قاضی فائز عیسیٰ نے کہا کہ کے پی میں 14 ماہ گزرنے کے بعد بھی بلدیاتی الیکشن نہیں کرائے گئے۔

عدالت نے ایڈووکیٹ جنرل خیبر پختون خوا کے پیش نہ ہونے پر اظہارِ برہمی کرتے ہوئے کہا کہ کیا ایڈووکیٹ جنرل بہت مصروف آدمی ہیں؟ عدالت میں پیش کیوں نہیں ہوئے؟ خیبر پختون خوا حکومت کے وکلاء ڈرتے کیوں ہیں؟ اوپر والے سے ڈریں۔

انہوں نے کہا کہ کے پی حکومت کے وکلاء حکومت کو بچانے کی کوشش کیوں کر رہے ہیں؟ آپ عوام کے پیسے پر نوکری کر رہے ہیں، ڈرتے کیوں ہیں؟ پشاور رجسٹری کے سامنے تجاوزات کس نے قائم کی؟ آپ لوگ ڈرتے ہیں، بتاتے نہیں۔

جسٹس قاضی فائز عیسیٰ نے کہا کہ ملک میں ہر طرف وی آئی پی کلچر ہے یہاں روٹ لگے ہوتے ہیں، حکمراں شاہانہ طرزِ زندگی گزار رہے ہیں، کیا یہ ریاستِ مدینہ ہے؟ اگر اتنی جان پیاری ہے تو حکومت کیوں کرتے ہو؟ آپ کہتے ہیں کہ کشمیر میں الیکشن کرائیں، جب آپ کے پی میں الیکشن نہیں کراتے تو کیا حق ہے کہ کشمیر میں کرائیں گے؟

یہ بھی پڑھیے

ایڈیشنل ایڈووکیٹ جنرل کے پی کے نے کہا کہ خیبر پختون خوا میں بلدیاتی انتخابات کرائیں گے۔

جسٹس قاضی فائز عیسیٰ نے کہا کہ آپ نے ووٹ کے ذریعے لوگوں کے حقوق پر ڈاکہ ڈالا ہے۔

عدالت میں کے پی کے حکومت کی جانب سے شق 39 اور 41 سے متعلق رپورٹ پیش کی گئی جس پر عدالت نے عدم اطمینان کا اظہار کر دیا۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *