Categories
Breaking news

این اے 75 ڈسکہ: حساس پولنگ اسٹیشنز پر کیمرے نصب کرنے کا فیصلہ

Advertisement
این اے75 ڈسکہ ، حساس پولنگ اسٹیشن پر کیمرے نصب کرنے کا فیصلہ

قومی اسمبلی کے حلقے این اے 75 ڈسکہ کے حساس پولنگ اسٹیشن میں کیمرے نصب کرنے کا فیصلہ کرلیا گیا۔

این اے 75 ڈسکہ پر ری پولنگ کے انتظامات اور سیکیورٹی کے حوالے سے منعقدہ اجلاس کے فیصلوں سے متعلق صوبائی الیکشن کمشنر پنجاب غلام اسرار نےمیڈیا کو بریفنگ دی۔

انہوں نے کہا کہ این اے 75 ڈسکہ میں ضمنی انتخاب 10 اپریل کو ہی ہوگا، اس حوالے سے الیکشن کمیشن نے حکمت عملی طے کرلی ہے۔

الیکشن کمشنر پنجاب کے مطابق متنازع پولنگ اسٹیشنز کا عملہ تبدیل کردیا گیا ہے، حساس پولنگ اسٹیشنز پر کیمرے نصب کیے جائیں گے۔

غلام اسرار نے مزید کہا کہ ڈسکہ میں الیکشن پرامن طریقے سے کرایا جائے گا، ری پولنگ کے دوران سیکورٹی مزید بڑھائی جائے گی۔

اُن کا کہنا تھا کہ الیکشن کمیشن کی ہدایت پر پرامن طریقے سے منصفانہ اور غیر جانبدارانہ انتخاب کو یقینی بنایا جائے گا۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *