Categories
Breaking news

این اے 133 میں منتخب نمائندگان کے دورہ کرنے پر پابندی

الیکشن کمیشن آف پاکستان (ای سی پی) نے این اے 133 میں منتخب نمائندگان کے دورہ کرنے پر پابندی عائد کردی۔

5 دسمبر کو ہونے والے لاہور کے قومی اسمبلی کے حلقے این اے 133 کے ضمنی الیکشن کی انتخابی مہم کے دوران حلقے میں منتخب نمائندگان کے دورہ کرنے پر پابندی عائد کی گئی ہے۔

انتخابی ضابطہ اخلاق کی خلاف ورزی: راجا پرویز اشرف پر جرمانہ عائد

ڈسٹرکٹ مانیٹرنگ آفیسر الیکشن کمیشن نے کہا کہ راجہ پرویز اشرف 3روز میں جرمانہ ادا کریں ورنہ کیس چیف الیکشن کمشنر کو بھیج دیاجائے گا۔

ڈسٹرکٹ مانیٹرنگ آفیسر کا کہنا ہے کہ ڈپٹی کمشنر اور سی سی پی او کو خط لکھ کر ہدایات جاری کردی گئی ہیں، منتخب نمائندگان کو حلقے میں داخل نہ ہونے دینے کے احکامات جاری کیے گئے ہیں۔

ڈی ایم او کا کہنا ہے کہ صدر، وزیراعظم، ممبران سینیٹ، قومی و صوبائی اسمبلی حلقے کا دورہ نہیں کرسکتے، چیرمین و ڈپٹی چئیرمین سینیٹ، اسپیکر، ڈپٹی اسپیکر حلقے کا دورہ نہیں کرسکتے۔

ڈسٹرکٹ مانیٹرنگ آفیسر کا کہنا ہے کہ بلدیاتی نمائندگان اور پبلک آفس ہولڈرز بھی انتخابی مہم میں شریک نہیں ہوسکتے، منتخب نمائندگان کا انتخابی حلقےکا دورہ کرنا ضابطہ اخلاق کی خلاف ورزی ہے۔

قومی خبریں سے مزید

Original Article

Leave a Reply

Your email address will not be published.