ایف بی آر کراچی ملک کا سب سے زیادہ ٹیکس جمع کرنے والا آفس بن گیا

فیڈرل بورڈ آف ریونیو (ایف بی آر) کا لارج ٹیکس پیئر یونٹ ملک کا سب سے زیادہ ٹیکس جمع کرنے والا آفس بن گیا۔

لارج ٹیکس پیئر آفس کراچی سے جولائی 2021 سے اپریل 2022 تک ٹیکس کی وصولی کا سابقہ ریکارڈ ٹوٹ گیا۔

10 ماہ میں کراچی سے سوا کھرب سے زائد روپے ٹیکس کی مد میں وصول کیے گئے۔

ایف بی آر کے لارج ٹیکس پیئر آفس نے 10 ماہ کے اعداد و شمار جاری کردیے ہیں، گذشتہ سال کے مقابلے میں 41 فیصد زیادہ ٹیکس وصول کیا گیا۔

کراچی سے ٹیکس کی وصولی کے ہدف سے ایک لاکھ 11 ہزار 1 ملین سے زائد ٹیکس وصول کیا گیا۔

ایل ٹی او کراچی نے ٹیکس کے وصولی کے وفاقی حکومت کے ہدف کو بھی پیچھے چھوڑ دیا گیا۔

حکومت نے ایل ٹی او کے لیے ایک کھرب 12 ارب کا ہدف رکھا تھا، وصولی ایک کھرب 26 ارب سے بھی زائد ہوئی۔

قومی خبریں سے مزید

عمران خان عوام کو انسانی ڈھال کے طور پر استعمال کر رہے ہیں، مصطفیٰ کمال