گورنر پنجاب چوہدری محمد سرور کا کہنا ہے کہ اپوزیشن ون، ٹو، تھری ، فور جتنے مرضی لانگ مارچ کر لے، مڈٹرم الیکشن نہیں ہوں گے۔

چوہدری محمد سرور نے اپنے ایک بیان میں اپوزیشن کے جلسوں، دھرنوں اور لانگ مارچ کے بیانات سے متعلق بات کرتے ہوئے کہا ہے کہ اپوزیشن کے درجنوں لانگ مارچ سے بھی الیکشن 2023 میں ہی ہوں گے، اپوزیشن سینیٹ انتخابات میں ہارس ٹر یڈنگ کا تسلسل چاہتی ہے، ہم خاتمہ چاہتےہیں۔

x
Advertisement

چوہدری محمد سرور نے کہا ہے کہ سینیٹ انتخابات میں ہارس ٹریڈنگ روکنے کے لیے آرڈیننس قومی امنگوں کی تر جمانی ہے، ہارس ٹریڈنگ کے خاتمے سے پاکستان میں جمہوریت، پارلیمنٹ مضبوط ہوگی۔

انہوں نے مزید کہا کہ ماضی میں ہارس ٹر یڈ نگ کی مخالفت کر نے والی جماعتیں آج اس کی حامی بن رہی ہیں، حکومت جتنے مرضی اچھے فیصلے کرے ان کی مخالفت اپوزیشن کی سیاسی مجبوری ہے۔

چوہدری محمد سرور کا کہنا تھا کہ ہر ایشو میں اداروں کو سیاست میں گھسیٹنے کا اپوزیشن کا رویہ ملکی مفاد میں نہیں، ملک ترقی استحکام، آئین و قانون کی حکمرانی کے لیے تمام ادارے ایک پیج پر ہیں۔

اُن کا کہنا تھا کہ میں نہ مانوں کی سیاست کر کے پی ڈی ایم اپنا وقت ضائع کر رہی ہے۔

قومی خبریں سے مزید