اپوزیشن اتحاد کا شیرازہ بکھر رہا ہے، عثمان بزدار

وزیراعلیٰ پنجاب عثمان بزدار نے کہا کہ اپوزیشن کا شرانگیز بیانیہ بری طرح پٹ چکا ہے، ملکی وقار کے منافی رویے کی وجہ سے اپوزیشن اتحاد کا شیرازہ بکھر رہا ہے۔

وزیراعلیٰ پنجاب عثمان بزدار سے وزیراعظم عمران خان کے معاون خصوصی عثمان ڈار نے ملاقات کی ہے جس میں وزیراعظم کے”کامیاب جوان پروگرام“ اور ٹائیگرز فورس کے امور پر بات چیت ہوئی اور اپوزیشن کے اداروں کے خلاف بیان بازی کی مذمت بھی کی گئی۔

عثمان ڈار سے ملاقات کے دوران وزیراعلیٰ پنجاب عثمان بزدار نے کہا کہ سابق دور میں حکمرانوں نے نوجوانوں کو نظر انداز کیا۔

x
Advertisement

عثمان بزدار نے یہ بھی کہا کہ اداروں کے خلاف باتیں کرنے والے پہلے کی طرح آئندہ بھی ناکام رہیں گے، اپوزیشن کے پاس کوئی پروگرام ہے نہ ایجنڈا۔

وزیراعلیٰ پنجاب عثمان بزدار کا کہنا تھا کہ اپوزیشن جو مرضی کر لے، لوٹ مار کا حساب دینا ہی پڑے گا کیونکہ پاکستان کو آگے لے جانے کے لیے چوروں اور لٹیروں کا احتساب ضروری ہے۔

قومی خبریں سے مزید