وزیراعلیٰ پنجاب سردار عثمان بزدار کی معاون خصوصی فردوس عاشق اعوان نے اپوزیشن اتحاد (پی ڈی ایم) کو عقل سے عاری قرار دیدیا۔

لاہور سے جاری بیان میں فردوس عاشق اعوان نے کہا کہ عقل سے عاری پی ڈی ایم کو چاہیے کہ وہ ہوش کے ناخن لے۔

انہوں نے مزید کہا کہ ملکی سلامتی کے اداروں کو متنازع بنانا کسی طور پر حب الوطنی نہیں ہے۔

یہ بھی پڑھیے

فردوس عاشق اعوان نے یہ بھی کہا کہ پاک فوج نے اپنے حصے کی ویکسین بھی ہیلتھ ورکرز کے لیے مختص کرکے ایثار کی اعلیٰ مثال قائم کی ہے۔

اُن کا کہنا تھا کہ اپوزیشن اتحاد سمجھ لے پوری قوم پاک فوج کے ساتھ کھڑی ہے۔

اس سے قبل وزیر خارجہ شاہ محمود قریشی بھی اپوزیشن اتحاد (پی ڈی ایم) کی سیاست پر ڈائریکٹر جنرل (ڈی جی) انٹر سروسز پبلک ریلیشنز (آئی ایس پی آر) میجر جنرل بابر افتخار کے بیان کو آئین و قانون عین مطابق قرار دے چکے ہیں۔

Table of Contents