اپوزیشن جماعت مسلم لیگ (ن) کے سینئر رہنما اور سابق وزیر داخلہ احسن اقبال نے کہا ہے کہ اپوزیشن اتحاد انتخابی اصلاحات پر سنجیدہ ہے۔

جیونیوز کے پروگرام ’کیپٹل ٹاک‘ میں اظہار خیال کرتے ہوئے احسن اقبال نے کہا کہ اس حکومت کا مقصد سینیٹ الیکشن میں شفافیت لانا نہیں۔

Table of Contents

x
Advertisement

انہوں نے مزید کہاکہ عمران خان اپنے کچھ دوستوں کو سینیٹ میں لانا چاہتے ہیں، ان کے ارکان اسمبلی کہہ چکے ہیں کہ وہ ان کو سینیٹ میں نہیں لانا چاہتے۔

احسن اقبال نے سینیٹ الیکشن سے متعلق صدارتی آرڈیننس کو فرینڈز آف عمران خان پیکیج قرار دیا اور کہا کہ آئین پاکستان میں فرینڈز آف عمران خان کے لیے ترمیم نہیں کی جاسکتی۔

اُن کا کہنا تھا کہ پی ٹی آئی حکومت یہ تاثر دیتی ہے کہ یہ سب سے بڑے ریفارمرز ہیں، جو چیز آئین میں درج ہے وہ آئینی ترمیم سے ہی ہوسکتی ہے آرڈیننس سے نہیں۔

ن لیگی رہنما نے یہ بھی کہا کہ وزیر خارجہ کہتے ہیں کہ ہمارے پاس دو تہائی اکثریت نہیں اس لیے آرڈیننس لائے ہیں۔

انہوں نے کہا کہ ان کے ایک وزیر فیصل واوڈا نااہل ہونے والے ہیں یہ اُسے بھی بچانا چاہتے ہیں۔

قومی خبریں سے مزید