Categories
Breaking news

آزاد کشمیر: مہمان بن کر آئے 2 افراد کی فائرنگ، میزبان قتل

—فائل فوٹو
—فائل فوٹو

آزاد کشمیر کے علاقے عباس پور میں مبینہ طور پر گھر میں مہمان بن کر آئے 2 افراد نے ایک شخص کو فائرنگ کر کے قتل کر دیا، فائرنگ سے مقتول کا بھانجا بھی زخمی ہو گیا۔

اہلِ خانہ نے مزاحمت کر کے دونوں افراد کو کلہاڑیوں کے وار کر کے زخمی کر دیا اور پولیس کے حوالے کر دیا۔

پولیس کے مطابق فائرنگ کا واقعہ گزشتہ روز عباس پور کے نواحی علاقے کوٹ میں پیش آیا، جہاں مبینہ طور پر 2 افراد عزیز شاہ نامی شخص کے گھر مہمان کے طور پر آئے تھے۔

پیر آباد ، پراسرار طور پر گولی چلنے سے گھر میں مہمان جاں بحق

کراچی پیر آباد کے علاقے میں گھر میں پر اسرار طور…

اہلِ خانہ نے بیان دیا کہ مقتول کی عدم موجودگی میں مہمانوں کی چائے سے تواضع کی گئی اور جیسے ہی عزیز شاہ اپنے گھر میں داخل ہوا تو مہمان مسلح افراد نے اس پر فائرنگ کر دی۔

فائرنگ سے عزیز شاہ جاں بحق اور فائرنگ کی آواز سن کر آنے والا بھانجا زخمی ہو گیا۔

پولیس کے مطابق مزاحمت کرتے ہوئے اہلِ خانہ نے دونوں افراد پر کلہاڑیوں کے وار کیے جن سے دونوں ملزمان زخمی ہو گئے۔

اطلاع ملنے پر پولیس نے دونوں افراد کو زخمی حالت میں گرفتار کر لیا۔

ایس پی پونچھ وحید گیلانی کے مطابق فائرنگ اور قتل کے واقعے کی مزید تحقیقات کی جا رہی ہیں، لاش اور زخمیوں کو اسپتال منتقل کر دیا گیا ہے۔

قومی خبریں سے مزید

Original Article

Leave a Reply

Your email address will not be published.