Categories
Breaking news

آرمی چیف کا لاہور گیریژن کا دورہ، الوداعی خطاب میں فوجی دستوں کو سراہا

جنرل قمر جاوید باجوہ لاہور گیریژن میں افسران اور جوانوں سے خطاب کر رہے ہیں۔
جنرل قمر جاوید باجوہ لاہور گیریژن میں افسران اور جوانوں سے خطاب کر رہے ہیں۔

آرمی چیف نے لاہور گیریژن کا دورہ کیا۔ آئی ایس پی آر کے مطابق جنرل قمر جاوید باجوہ نے الوداعی خطاب میں قوم کی خدمت کیلئے فوجی دستوں کی طرف سے فرض کی ادائیگی کو سراہا۔

آرمی چیف نے یادگار شہداء پر پھول رکھے اور فاتحہ خوانی کی، انہوں نے لاہور گیریژن انسٹیٹیوٹ فار اسپیشل ایجوکیشن کا افتتاح بھی کیا۔

سپہ سالار نے لاہور کور اور پاکستان رینجرز پنجاب کے افسران اور جوانوں سے بات چیت کی، انہوں نے کہا کہ پاکستان کے نوجوان ہمارا اثاثہ ہیں۔

آرمی چیف کی الوداعی ملاقاتیں شروع، مدتِ ملازمت میں توسیع کی افواہیں دم توڑ گئیں

منگلا گیریژن میں آرمی چیف کا استقبال لیفٹیننٹ جنرل محمد عامر اور لیفٹیننٹ جنرل ایمن بلال صفدر نے کیا۔

جنرل قمر جاوید باجوہ نے خصوصی بچوں کے لیے فراہم کردہ سہولتوں کا جائزہ لیا، انہوں نے جدید ترین ہاکی ایرینا کا بھی افتتاح کیا اور ہاکی لیجنڈز سے ملاقات کی۔

اس موقع پر چیف آف آرمی اسٹاف نے کہا کہ نوجوانوں کو کھیلوں میں نمایاں مقام کیلئے سازگار ماحول اور سہولتوں کی فراہمی ضروری ہے۔

انہوں نے مادر وطن کے دفاع کیلئے فوجی دستوں کی پیشہ ورانہ مہارت اور لگن کو سراہا۔

لاہور آمد پر کور کمانڈر لیفٹیننٹ جنرل سلمان فیاض غنی نے آرمی چیف کا استقبال کیا۔

قومی خبریں سے مزید

Original Article

Leave a Reply

Your email address will not be published. Required fields are marked *