وزیراعلیٰ سندھ سید مراد علی شاہ نے کورونا وائرس کی صورتحال پر اپنے بیان میں کہا کہ گزشتہ 24 گھنٹوں میں کورونا کے مزید 9252 نمونے ٹیسٹ کئے گئے، جس کے نتیجے میں251 نئے کیسز سامنے آئے۔

وزیراعلیٰ نے بتایا کہ سندھ میں ابتک کورونا کے 2872660 ٹیسٹ کیے گئے۔ اور صوبے میں ابتک 253761 کیسز ہوچکے ہیں، جبکہ آج کورونا کے مزید 327 مریض صحتیاب ہوگئے۔ اس طرح ابتک 235470 یعنی 93 فیصد مریض صحتیاب ہوچکے ہیں۔

Table of Contents

x
Advertisement

انھوں نے کہا کہ آج کورونا کے باعث مزید 7 مریض انتقال کرگئے۔ اس طرح صوبہ بھر میں مجموعی طور پر ہلاکتوں کی تعداد 4219 یعنی 1.6 فیصد ہوگئی ہے۔ اسوقت 14072 مریض زیر علاج ہیں۔ جبکہ 13568 مریض گھروں پر قرنطینہ ہیں۔ اسکے علاوہ آئسولیشن سینٹرز پر 11 مریض زیرعلاج ہیں اور مختلف اسپتالوں میں 493 مریضوں کا علاج جاری ہے۔

انھوں نے کہا کہ کورونا متاثرہ 450 مریضوں کی حالت تشویشناک بتائی جارہی ہے۔ اسوقت کورونا کے 57 مریض وینٹی لیٹرز پر ہیں۔

یہ بھی پڑھیے

وزیراعلیٰ نے کہا کہ صوبہ بھر کے 251 کورونا کیسز میں 134 نئے کیسز کا تعلق کراچی سے ہے۔ جن میں ضلع شرقی میں 55، جنوبی کراچی میں 39، کورنگی میں 15، ضلع وسطی میں 13، ملیر اور غربی میں 6 – 6 مزید کیسز سامنے آئے ہیں۔

صوبے کے دیگر اضلاع میں شہید بینظیرآباد میں 15، بدین میں 13، ٹنڈوالہیار میں 12، شکارپور میں 10، جیکب آباد میں 9، لاڑکانہ، قمبر، میرپورخاص، نوشہرو فیروز اور گھوٹکی میں 6 – 6، حیدرآباد اور خیرپور میں 5 – 5، جامشورو اور دادو میں 4 – 4 اور سکھر میں 2 نئے کیسز رپورٹ ہوئے۔

قومی خبریں سے مزید