Categories
Breaking news

آئی بی اے میں پروفیسر پر تشدد، جامعہ کراچی میں تدریسی عمل معطل

Advertisement

آئی بی اے کے اسسٹنٹ پروفیسر پر طلبہ اور گارڈز کے مبینہ تشدد کے خلاف جامعہ کراچی میں تدریسی عمل معطل رہا۔ آئی بی اے نے تحقیقات کے لیے معاملہ ڈسپلن کمیٹی کو بھیج دیا ہے۔ دوسری جانب جیو نیوز نے واقعے کی سی سی ٹی وی ویڈیو حاصل کر لی ہے۔

جامعہ کراچی کے اسسٹنٹ پروفیسر پرتشدد کے خلاف اساتذہ نے آئی بی اے کے مرکزی دروازے کے سامنے احتجاج کیا اور مطالبہ کیا کہ جامعہ کراچی کے استاد پر تشدد کرنے والے آئی بی اے کے طلبہ کو بے دخل کیا جائے۔

جامعہ کراچی میں جعلی اسناد پر داخلوں کا انکشاف

یونیورسٹی کی داخلہ پروگرام کی انچارج صائمہ اختر کا کہنا ہے کہ طلباء کے خلاف ضابطے کی کارروائی ہو رہی ہے۔

اساتذہ کے مطابق دو روز قبل ایک استاد نے آئی بی اے کے سامنے ٹریفک جام میں ہارن بجایا تھا جس پر آئی بی اے کے طلبہ اور گارڈ نے اسسٹنٹ پروفیسر سے بدتمیزی اور مارپیٹ کی تھی۔

دوسری جانب ترجمان آئی بی اے نے استاد پر تشدد کے واقعے کی مذمت کرتے ہوئے تحقیقات کے لیے معاملہ ڈسپلن کمیٹی کو بھیج دیا ہے۔

جیو نیوز نے واقعے کی سی سی ٹی وی ویڈیو حاصل کر لی ہے۔

جامعہ کراچی کے اسسٹنٹ پروفیسر پرتشدد کے خلاف اساتذہ نے آئی بی اے کے مرکزی دروازے کے سامنے احتجاج کرتے ہوئے مطالبہ کیا کہ آئی بی اے کی عمارت اور رقبے کو جامعہ کراچی کے حوالے کیا جائے، جامعہ کراچی میں نجی اداروں کی تجاوزات کا خاتمہ کیا جائےاور جامعہ کراچی کے استاد پر تشدد کرنے والے آئی بی اے کے طلباء کو بے دخل کیا جائے۔

آئی بی اے کے ترجمان کا کہنا ہے کہ آئی بی اے پر تشدد واقعات کو برداشت نہیں کرے گا اور جامعہ کراچی کے ساتھ مل کر واقعے کو حل کرنے کی کوشش کررہا ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *